विगतको उचित मूल्यांकन गर्दै राप्तीसोनारीमा पुनः कांग्रेसलाई जिताउन आग्रह

राजनीति

गृहपृष्ठ
राजनीति
विगतको उचित मूल्यांकन गर्दै राप्तीसोनारीमा पुनः कांग्रेसलाई जिताउन आग्रह

विगतको उचित मूल्यांकन गर्दै राप्तीसोनारीमा पुनः कांग्रेसलाई जिताउन आग्रह

सोमबार, वैशाख १९, २०७९ बागेश्वरी पोस्ट

राप्तीसोनारी (बाँके) । राप्तीसोनारीका कांग्रेस उम्मेदवारहरुले पाँच बर्षमा कांग्रेसले गरेका कामहरुको उचित मूल्यांकन गरेर आफूहरुलाई सहयोग गर्न आग्रह गरेका छन् ।

अध्यक्षका उम्मेदवार तप्त बहादुर पौडेल र उपाध्यक्षका उम्मेदवार मनिषासिंह थारुले यसअघि पनि कांग्रेसले नै जितेर जनताका पक्षमा गरेका कामहरुको उचित मूल्यांकन गर्दै फेरि पनि कांग्रेसकै उम्मेदवारहरुलाई जिताउन आग्रह गरे । राप्तीसोनारी गाउँपालिकाको वडा नम्बर ८ मा आज गरिएको घरदैलोका क्रममा पौडेल र थारुले अपूरा कामहरुको निरन्तरता लागि आफूहरुलाई पुनः अनुमोदन गर्न आग्रह गरे ।

घरदैलोमा राप्तीसोनारी गाउँपालिकाकी उपाध्यक्ष धनीकुमारी खत्रीले राप्तीसोनारीको बृहत्तर हितका लागि पुनः कांग्रेसलाई नै रोज्न आग्रह गरिन् । स्थानीयहरुले कांग्रेसका जनप्रतिनिधिले गरेका कामहरुबाट आफूहरु लाभान्वित भएको भन्दै फेरि पनि कांग्रेसलाई नै रोज्ने प्रतिक्रिया दिएका थिए । घरदैलोमा वडा अध्यक्षका उम्मेदवार नरेन्द्र विक्रम वली लगायत वडा सदस्यका उम्मेदवारहरु पनि थिए ।

राप्तीसोनारीमा यसअघिको स्थानीय निर्वाचनमा कांग्रेसले अध्यक्ष र उपाध्यक्षसहित बहुमत वडामा जितेको थियो ।

प्रकाशित मिति: सोमबार, वैशाख १९, २०७९ १६:४१

प्रतिक्रिया दिनुहोस्