जागिर छाडेर चुनावमा होमिएका वडा अध्यक्षका उम्मेदवार डा. गुप्ता

राजनीति

गृहपृष्ठ
राजनीति
जागिर छाडेर चुनावमा होमिएका वडा अध्यक्षका उम्मेदवार डा. गुप्ता

जागिर छाडेर चुनावमा होमिएका वडा अध्यक्षका उम्मेदवार डा. गुप्ता

सोमबार, वैशाख १९, २०७९ बागेश्वरी पोस्ट

नेपालगन्ज । नेपाली कांग्रेसबाट नेपालगन्ज उपमहानगरपालिका वडा नम्बर ३ का वडा अध्यक्ष पदका उम्मेदवार डा. पंकज गुप्ता पूर्व माननीय कैलाशनाथ कशौधन गुप्ताका छोरा हुन् ।

पारिवारिक वातावरणका कारण सानै उमेरदेखि राजनीतिमा लागेका डा. गुप्ता २०४९ सालमा महेन्द्र बहुमुखी क्याम्पस नेपालगन्जको स्ववियु सदस्य भएका थिए । सहयोगी, मिजासिला र मिलनसार गुप्ताले नेविसंघको सदस्य भएर पनि काम गरे ।

२०५१ सालदेखि नेपाली कांग्रेसको सक्रिय सदस्य भएका डा.गुप्ता वडा समितिका विभिन्न भूमिकामा बसेर काम गरेका ब्यक्ति हुन् । हाल उनी वडा नम्बर ३ का वडा सचिव छन् । उनले २०४६ सालको जनअन्दोलनमा पनि सहभागिता जनाएका थिए ।

२०६३ सालदेखि नेपालगन्ज मेडिकल कलेजमा काम गर्दै आएका गुप्ताले स्थानीय चुनाव लड्न यही बैशाख ९ गते राजीनामा दिएका हुन् । जनताको प्रत्यक्ष सेवा गर्ने उद्देश्यले उनले राजीनामा दिएर वडा अध्यक्षमा उम्मेदवारी दिएका हुन् । नेपालगन्जमा फिजियोकेयर समेत संचालन गरिरहेका डा. गुप्ता वडामा लोकप्रिय नेता हुन् ।

।

वडा नम्बर ३ मा अध्यक्ष डा.गुप्ता, महिला वडा सदस्यमा रविसा शर्मा हलवाई, दलित महिला सदस्य मिनादेबी धोबी तथा खुला सदस्यहरुमा रामलखन वैश्य र शौकत अली शाह उम्मेदवार छन् ।

प्रकाशित मिति: सोमबार, वैशाख १९, २०७९ २०:४८

प्रतिक्रिया दिनुहोस्