इदको शुभकामना दिँदै जानकीमा आज पनि सुरु भयो काँग्रेसको घरदैलो अभियान

राजनीति

गृहपृष्ठ
राजनीति
इदको शुभकामना दिँदै जानकीमा आज पनि सुरु भयो काँग्रेसको घरदैलो अभियान

इदको शुभकामना दिँदै जानकीमा आज पनि सुरु भयो काँग्रेसको घरदैलो अभियान

मंगलबार, वैशाख २०, २०७९ बागेश्वरी पोस्ट

नेपालगन्ज । नेपाली कांग्रेसका तर्फबाट बाँकेको जानकी गाउँपालिकाको अध्यक्ष पदका उम्मेदवार छब्बन खाँ र उपाध्यक्ष पदका उम्मेदवार रामप्यारी यादवले आज पनि विहानैदेखि चुनावी घरदैलो सुरु गरेका छन् ।

आगामी वैशाख ३० गते हुने स्थानीय चुनाव नजिकिँदै गर्दा जानकी गाउँपालिकामा कांग्रेसका उमेदवारले जनतासँगको भेटघाटलाई तीव्रता दिइरहका छन् । चुनाव हुन १० दिन बाँकी रहँदा छब्बन खाँ, रामप्यारी यादव लगायतको टोलीले जनताका समस्यालाई आत्मसाथ गर्दै जनताको नेतृत्व नै कांग्रेसको नेतृत्व हो भन्ने विश्वास दिलाउन लागिपरेका छन् ।

पालिकाका ६ वटै वडामा चुनावी घरदैलो सुरु गरिएको हो । अध्यक्ष पदका उम्मेदवार खाँ र उपाध्यक्ष पदका उम्मेदवार यादवले इस्लाम धर्माबलम्बीहरुको पवित्र चाड इदको सबैलाई शुभकामना दिएका छन् । इदको अवसरमा शुभकामना दिँदै उनीहरुले सबैको सुख, शान्ति, सम्बृद्धि र एकताको कामना गरेका छन् ।

यस्ता चाडपर्वले सबै धर्म समुदायका व्यक्तिहरुलाई सद्भावमा बाँध्न प्रेरित गर्ने अध्यक्ष पदका उम्मेदवार खाँले बताएका छन् ।

No description available.