नेपालगन्जलाई सद्भावको नमुना शहर बनाउन जोड दिने विष्टको भनाई

राजनीति

गृहपृष्ठ
राजनीति
नेपालगन्जलाई सद्भावको नमुना शहर बनाउन जोड दिने विष्टको भनाई

नेपालगन्जलाई सद्भावको नमुना शहर बनाउन जोड दिने विष्टको भनाई

मंगलबार, वैशाख २०, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिकामा कांग्रेससहित गठबन्धनका तर्फबाट नगर प्रमुख पदका उम्मेदवार प्रशान्त विष्टले आफू निर्वाचित भएपछि नेपालगन्जलाई धार्मिक तथा सामाजिक सद्भावको नमुना शहर बनाउन जोड दिने प्रतिवद्धता जनाएका छन् ।

मुस्लिम समुदायको महान पर्व ईदको अवसरमा नेपालगन्जको विपी चोकमा आज बिहान शुभकामना साटासाट गर्ने क्रममा उनले यस्तो बताएका हुन् । नेपालगन्जको धार्मिक तथा सामाजिक सद्भावबारे अन्य शहरले पनि सिक्नुपर्नेमा जोड दिदै उनले यहाँको धार्मिक सामाजिक सद्भावलाई जोगाईराख्न आफू प्रतिवद्ध रहेको बताए । हरेक समुदायका चार्डपर्वको आआफ्नै महत्व र विशेषता रहेको उनको भनाई छ ।

यस्तै उपप्रमुख पदका उम्मेदवार राईले कांग्रेस र जसपाले प्रमुख र उपप्रमुख पदमा दुई फरक धर्म र समुदायका उम्मेदवारलाई उठाएर वास्तवमै सद्भावको सन्देश दिएको बताए । ईदगाहमा नमाज पढ्न पुगेका मुस्लिम समुदायसँग नगर प्रमुख पदका उम्मेदवार विष्ट र उपप्रमुख पदका उम्मेदवार राईले अंकमाल गर्दै शुभकामना साटासाट गरेका थिए ।

प्रकाशित मिति: मंगलबार, वैशाख २०, २०७९ ११:५३

प्रतिक्रिया दिनुहोस्