इदगाहामा पुगेर एमाले उम्मेदवार पशुपतिले दिए इदको शुभकामना

राजनीति

गृहपृष्ठ
राजनीति
इदगाहामा पुगेर एमाले उम्मेदवार पशुपतिले दिए इदको शुभकामना

इदगाहामा पुगेर एमाले उम्मेदवार पशुपतिले दिए इदको शुभकामना

मंगलबार, वैशाख २०, २०७९ बागेश्वरी पोस्ट

नेपालगन्ज । मुस्लिम समुदायको महान पर्व इदमा एमालेबाट नेपालगन्ज उपमहानगरपालिकामा मेयर पदका उम्मेदवार पशुपति दयाल मिश्रले शुभकामना प्रदान गरेका छन् । वीपीचौक स्थित इदगाहमा पुगेर मुस्लिम समुदायको महान पर्व इद आपसी भाइचारा र सदभावका साथ मनाउन बाँकेका सम्पूर्ण मुस्लिम समुदायमा शुभकाना प्रदान गरेका हुन् ।

सो अवसरमा मिश्रले सामाजिक सद्भावको शहर नेपालगन्जमा सबै जातजाति, भाषा, धर्मका समुदाय एकआपसमा सद्भावका साथ बस्दै आएको बताए । उनले सबै नेपालगन्जबासीको आपसी सद्भाव, एकता र भाइचाराको सम्बन्धले नै नमूना शहरका रुपमा रहेको औल्याए । मिश्रले नेपालगन्जको बिकासको यात्रामा नेपालगन्जका सबै समुदाय लाग्नुपर्ने भन्दै शिक्षा, स्वास्थ्यका साथै पछाडि परेका समुदायको विकासबाट मात्र समग्र विकासको चाहना पूरा हुने उल्लेख गरे ।

उनले पछाडि परेका समुदायका महिला, युवा सबैलाई शिक्षित, स्वस्थ बनाएर अगाडि बढ्ने प्रतिबद्धता जनाउँदै इदुल फित्र (ईद) ले अझै बलियो र मजबुत सद्भाव र भाइचाराको सम्बन्ध कायम होस् भन्ने शुभकामना दिए ।

प्रकाशित मिति: मंगलबार, वैशाख २०, २०७९ १२:४२

प्रतिक्रिया दिनुहोस्