एमाले नरैनापुरको प्रतिबद्धतापत्र सार्वजनिक

राजनीति

गृहपृष्ठ
राजनीति
एमाले नरैनापुरको प्रतिबद्धतापत्र सार्वजनिक

एमाले नरैनापुरको प्रतिबद्धतापत्र सार्वजनिक

मंगलबार, वैशाख २०, २०७९ बागेश्वरी पोस्ट

नरैनापुर । नेकपा एमाले नरैनापुर गाउँपालिकाले आफ्नो प्रतिबद्धता सार्वजनिक गरेको छ । नेकपा एमाले बाँके इन्चार्ज सूर्य ढकाल, प्रदेशसभा सदस्य तथा पूर्व मन्त्री आरती पौडेल, निर्वाचन परिचालन कमिटिका संयोजक राम कुमार दीक्षित, एमाले नेता सोहन लाल यादव, भारती खनाल, एमाले नरैनापुर गाउँपालिकाका उम्मेदवारहरुले स्थानीय तह निर्वाचनका लागि घोषणापत्र जारी गरेका हुन् ।

स्वास्थ्य, शिक्षा, कृषि, पूर्वाधार विकासमा फोकस प्रतिबद्धता पत्रमा त्यसको सम्बोधनको बचन दिएका छन् । ‘परिवर्तन नरैनापुरको चाहना हो र नेकपा एमाले नरैनापुरलाई समृद्ध बनाउन चाहन्छ’, पार्टी जिल्ला इन्चार्ज ढकालले भने, ‘परिवर्तको चाहना बोकेका नरैनापुरबासीको मत प्रतिबद्धता पत्रले जित्नेमा विश्वस्त छु ।

नरैनापुर गाउँपालिकाका उपप्रमुख पदका उम्मेदवार पञ्चराम यादवले समृद्ध नरैनापुर स्थानीय चाहना र पूरा गर्ने प्रतिबद्धता एमालेको भएकाले यसपटक जनताले एमालेलाई नै वडादेखि स्थानीय तहसम्म चुन्नेमा विश्वस्त रहेको बताए । ‘नरैनापुर पिछडिएको भनिन्छ, अब एमालेले त्यो परिभाषा बदल्छ, त्यसका लागि हामीले आधार प्रस्तुत गरेका छौं’, उपप्रमुख पदका उम्मेदवार यादवले भने, ‘नरैनापुरमा सूर्य उदाउँछ, नरैनापुर बदलिन्छ ।’

नरैनापुर गाउँपालिकाका निर्वाचन परिचालक कमिटीका संयोजक दीक्षितले प्रतिबद्धता पत्र फगत औपचारिकता मात्रै नभएर एमालेको नेतृत्व स्थापित भएपछि समय निर्धारण गरेर त्यसलाई पूरा गर्दै जाने बताए ।

नेकपा एमालेबाट गाउँपालिका प्रमुखमा अध्यक्ष पदमा पदमावति यादव, उपप्रमुख पदमा यादव, वडाध्यक्षहरुमा वडा नं १ मा मोलहे शेष, वडा नं २ मा मैसर खाँ, वडा नं ३ मा ताज खाँ, वडा नं ४ मा सुनैना मिश्र, वडा नं ५ मा विनय दीक्षित र वडा नं ६ मा शालिकराम यादवले उम्मेदवारी दिएका छन् ।

प्रकाशित मिति: मंगलबार, वैशाख २०, २०७९ १३:०६

प्रतिक्रिया दिनुहोस्