मुसुक्क हाँसेर विकास हुने भए तुलसीपुरको कायापलट हुन्थ्यो : उम्मेदवार गिरी

राजनीति

गृहपृष्ठ
राजनीति
मुसुक्क हाँसेर विकास हुने भए तुलसीपुरको कायापलट हुन्थ्यो : उम्मेदवार गिरी

मुसुक्क हाँसेर विकास हुने भए तुलसीपुरको कायापलट हुन्थ्यो : उम्मेदवार गिरी

मंगलबार, वैशाख २०, २०७९ बागेश्वरी पोस्ट

गठबन्धनकोे चुनावी सभालाई सम्बोधन गर्दै नगर प्रमुखका उम्मेदवार गेहेन्द्र गिरी, तस्वीर : फरककोण

तुलसीपुर । तुलसीपुर उपमहानगरपालिकाका प्रमुखका उम्मेदवार गेहेन्द्र गिरीले मुसुक्क हाँस्दैमा विकास नहुने बताएका छन् ।

तुलसीपुर उपमहानगरपालिका वडा नं. ४ मा भएको गठबन्धनको चुनाबी सभालाई सम्बोधन गर्दै उनले विकास गर्नका लागि उचित भिजन चाहिने बताएका छन् ।

"अध्साध्य राम्रा मान्छे मुसुक्क हाँस्ने मान्छे, मिठा कुरा गर्ने मान्छे भनेर गएको निर्वाचनमा मतदान गर्नुभयो", उनले भने-"हाँस्यो कि फस्यो भने जस्तै तपाईंहरु फस्नुभयो, यति राम्रो मिठा मान्छेले राम्रै काम गर्नुहुन्छ, भन्ने सोच्नु भएको थियो होला, तर अहिलेसम्म ७० करोड ऋण लागेको छ, यसको ३० गतेसम्म १ अर्ब ऋण लाग्नेछ ।"

"उपमहानगरपालिका भित्रका हरेक व्यक्तिलाई एक हजार ऋण लागेको छ, मिठो हाँस्ने मान्छेले गरेको काम यही हो । अब त्यो ऋण कसरी तिर्ने भन्ने चिन्ता छ," उनी भन्छन् ।

"अब त्यो ऋण घनश्यामले तिर्दैनन्", उनले भने-"ऋण नतिरेर साहुले मान्दैनन्, पहिले ऋण तिर्ने अनि काम गर्ने अबस्था छ ।" स्मार्ट सीटीका नाममा ठूला–ठूला कुरा गरेपनि उनले विरेन्द्र चोक, हात्तिखौवा लगायतका खाल्डाहरु समेत पुर्न नसकेको बताए । त्यस अवसरमा उपमेयर पदका उम्मेदवार जोगबहादुर रानाले तुलसीपुरको विकासका लागि आफूहरुलाई जिताउन आग्रह गरे ।

काँग्रेसका नन्दलाल पुनको अध्यक्षता तथा काँग्रेसका केन्द्रीय सदस्य दीपक गिरीको प्रमुख आतिथ्यतामा कार्यक्रम भएको थियो । त्यस अवसरमा प्रमुख अतिथि गिरीले यो गठबन्धन संविधान जोगाउने गठबन्धन भएकाले सबैले गठबन्धनका पक्षमा प्रचार गर्न समेत आग्रह गरे ।

कार्यक्रममा वडाध्यक्षका उम्मेदवार तुलसी थापाले वडाका हरेक समस्यासंग जुध्न जुझारु टिम आएको बताए । अघिका जनप्रतिनिधिले एकलौटी तरिकाले मात्रै काम गरेको भन्दै आफूहरु सबैको साझा बनेर काम गर्ने समेत बताए ।

कार्यक्रममा माओवादी केन्द्रका केन्द्रीय सल्लाहकार कमिटि सदस्य शेसुराम भण्डारी, एकीकृत समाजवादीका जिल्ला उपसचिब डिल्ली डाँगी, जनमोर्चाका नेता भरत भण्डारी लगायतले मन्तब्य ब्यक्त गरेका थिए ।

कार्यक्रमको सहजीकरण माओवादी केन्द्रका तुलसीपुर नगर उपाध्यक्ष मोहन थापाले गरेका थिए ।

प्रकाशित मिति: मंगलबार, वैशाख २०, २०७९ १६:४०

प्रतिक्रिया दिनुहोस्