चुनावी घरदैलो गर्दै खजुरा १ मा पुगे गठबन्धनका उम्मेदवार

राजनीति

गृहपृष्ठ
राजनीति
चुनावी घरदैलो गर्दै खजुरा १ मा पुगे गठबन्धनका उम्मेदवार

चुनावी घरदैलो गर्दै खजुरा १ मा पुगे गठबन्धनका उम्मेदवार

बुधबार, वैशाख २१, २०७९ बागेश्वरी पोस्ट

नेपालगन्ज । बाँकेको खजुरामा गठबन्धन उम्मेदवारको संयुक्त प्रचार प्रसार तिव्र पारिएको छ । नेपाली कांग्रेस र नेकपा माओवादी केन्द्रको संयुक्त वाम–लोकतान्त्रिक गठबन्धनका उम्मेदवारले खजुराका विभिन्न वडामा प्रचार प्रसारलाई तिब्रता दिएका हुन् ।

उक्त गठबन्धनका तर्फबाट खजुरा गाउँपालिकाको अध्यक्ष पदमा नेकपा माओदवादी केन्द्रबाट डम्बर विक ‘तुफान’ र नेपाली कांग्रेसका तर्फबाट उपाध्यक्षमा मञ्जु मल्ल उम्मेदवार बनेका छन् । घरदैलो अभियानमा नेपाली कांग्रेस र माओवादी केन्द्रका नेता तथा कार्यकर्ता, सर्बसाधारण लगायतको उत्साहजनक सहभागिता हुने गरेको छ ।

घरदैलो अभियानका क्रममा गठबन्धनका उम्मेदवारले जनताका समस्या बुझ्दै निर्वाचित भए पूरा गर्ने प्रतिबद्धता जनाएका छन् । आज विहानैदेखि गठबन्धनका उम्मेदवारहरु चुनावी घरदैलोका लागि वडा नम्वर १ मा पुगेका छन् ।

प्रकाशित मिति: बुधबार, वैशाख २१, २०७९ १०:२६

प्रतिक्रिया दिनुहोस्