नेपालगन्ज–९ का मतदाताहरु भन्छन्–‘वडाको विकासका लागि गोविन्द रेग्मीको विकल्प छैन'

राजनीति

गृहपृष्ठ
राजनीति
नेपालगन्ज–९ का मतदाताहरु भन्छन्–‘वडाको विकासका लागि गोविन्द रेग्मीको विकल्प छैन'

नेपालगन्ज–९ का मतदाताहरु भन्छन्–‘वडाको विकासका लागि गोविन्द रेग्मीको विकल्प छैन'

बुधबार, वैशाख २१, २०७९ बागेश्वरी पोस्ट

नेपालगन्ज । नेकपा एमालेका तर्फबाट नेपालगन्ज उपमहानगरपालिका वडा नं. ९ का वडा अध्यक्ष पदका उम्मेदवारहरु आजदेखि नमुना मतपत्र बोकेर घरघरमा पुगेका छन् । नेकपा एमालेका तर्फबाट वडाअध्यक्ष पदमा गोविन्द रेग्मी, वडा सदस्य पदमा सीमा केसी, मीना नेपाली, जयन्ती खत्री र ज्ञानबहादुर लामा चुनावी प्रतिस्पर्धामा छन् ।

चुनावी घरदैलो अभियान पूरा भएपछि उत्साहित देखिएका रेग्मीले मतदातालाई मत हाल्न सिकाउँदै पुनः घरदैलो सुरु गरिएको बताए । एमालेका पुराना र त्यागी नेताका रुपमा चिनिने रेग्मी स्थानीयमाझ अत्यन्तै लोकप्रिय छन् । उनले अवको पाँच वर्षमा आफ्नो वडालाई सम्बृद्ध र विकसित वडाका रुपमा स्थापित गराउने प्रतिबद्धता जनाएका छन् ।

वडालाई विकसित बनाउन भौतिक विकाससँगै मानवीय विकासलाई पनि सँगसँगै लैजानुपर्नेमा रेग्मीको जोड छ । सीमान्कृत समुदायको आर्थिक विकासका लागि सीपमूलुक देखि आर्यआर्जनसम्मका कार्यक्रमहरु ल्याइने बताउँदै उनले महिला, जेष्ठ नागरिक, युवा, बालबालिकालाई समेत समेटेर कार्यक्रमहरु ल्याइने बताए । पछिल्लो समय युवा पुस्ता लागू पदार्थ दुव्र्यसनीमा फस्ने गरेको भन्दै यसलाई रोक्न युवाहरुलाई खेलकुदप्रति आकर्षित गर्ने गरी योजना बनाइएको पनि उनले सुनाए ।

‘जीवनको महत्वपूर्ण कालखण्ड समाजसेवामै विताएको छु,' उनले भने–‘अव स्थानीय तहको नेतृत्वमा पुगेर मेरो वडालाई नेपालगन्जकै समृद्ध नमुना बनाउने इच्छा छ ।’ उमेरमा पनि परिपक्व, सहयोगी र मिलनसार छवि भएकाले पनि वडाबासीहरुले रेग्मीलाई जिताउनुपर्ने बताउँछन् । ‘स्थानीय सरकार हाँक्ने व्यक्तिको छवि पनि त्यही खालको चाहिन्छ,' मतदाताहरु भन्छन्–‘गोविन्द रेग्मी सबै खाले दृष्टिकोणबाट हाम्रो वडाको नेतृत्व गर्न सक्ने भरोसा योग्य उम्मेदवार हो, उहाँको विकल्प छैन ।’

प्रकाशित मिति: बुधबार, वैशाख २१, २०७९ ११:१६

प्रतिक्रिया दिनुहोस्