राप्तीसोनारीमा चुनावको रौनकता

राजनीति

गृहपृष्ठ
राजनीति
राप्तीसोनारीमा चुनावको रौनकता

राप्तीसोनारीमा चुनावको रौनकता

बुधबार, वैशाख २१, २०७९ बागेश्वरी पोस्ट

राप्तीसोनारी । बाँकेको राप्तीसोनारी गाउँपालिकामा निर्वाचनको रौनकता देखिएको छ । विभिन्न राजनीतिक दलहरुले घरदैलो कार्यक्रमलाई तिब्रता दिएपछि राप्तिसोनारीका गाउँहरुमा रौनकता छाएको हो । सुनसान रहने सडक र गाउँहरुमा विभिन्न पार्टीहरुका झण्डा, गीत, नाच र भिडभाडले रौनकता छाएको छ ।

राजनीतिक दलहरुले गर्मीको प्रवाह नगरी घरदैलो गरिरहेका छन् । यस्तै आज राप्तिसोनारी १ कुसुममा घरदैलो गरिएको छ । नेपाली कांग्रेसका तर्फबाट गाउँपालिका अध्यक्ष पदका उम्मेदवार तप्त बहादुर पौडेल र उपाध्यक्ष पदका उम्मेदवार मनिषासिंह थारु लगायत उम्मेदवारहरु राप्तिसोनारीका विभिन्न वडाका मतदाताहरुलाई भेट्ने क्रममा आज कुसुम पुगेका हुन् ।

अध्यक्ष पदका उम्मेदवार पौडेलले विकास र समृद्धि, सामाजिक सुरक्षा र गुणस्तरीय शिक्षा लगायतका बिषयमा योजनावद्ध रुपमा काम गर्ने बताएका छन् । मतदाताहरु पनि नेपाली कांग्रेसलाई जिताउन उत्साहित देखिएको उनले बताए ।

यस्तै वडा नम्बर २ मा पनि घरदैलो गरिएको छ ।

प्रकाशित मिति: बुधबार, वैशाख २१, २०७९ १५:२९

प्रतिक्रिया दिनुहोस्