विगतको भूल नदोहोर्‍याउनुस्, कांग्रेस नै रोज्नुस्ः मौर्य

राजनीति

गृहपृष्ठ
राजनीति
विगतको भूल नदोहोर्‍याउनुस्, कांग्रेस नै रोज्नुस्ः मौर्य

विगतको भूल नदोहोर्‍याउनुस्, कांग्रेस नै रोज्नुस्ः मौर्य

बुधबार, वैशाख २१, २०७९ बागेश्वरी पोस्ट

नरैनापुर (बाँके) । नेपाली कांग्रेसका तर्फबाट नरैनापुर गाउँपालिकाको अध्यक्ष पदका उम्मेदवार रामचन्द्र मौर्यले नरैनापुरका जनताले विगत पाँच बर्षमा विकास, समृद्धि र सुशासनको अनुभूति गर्न नपाएको भन्दै यसपटक कांग्रेसलाई जिताउन आग्रह गरेका छन् ।

वडा नम्बर ६ जमुनीमा आज घरदैलो गर्दै मौर्यले विगतको निर्वाचनमा गरेको भूल नदोहो¥याउन मतदातासमक्ष आग्रह गरेका छन् । "२०७४ मा पनि कांग्रेसलाई नै जिताएको भए नरैनापुर धेरै अगाडि गइसक्ने थियो, तपाईंहरुले उपयुक्त मान्छे छान्न नसक्दा हामी अझ पछाडि छौं, नरैनापुरलाई मनदेखि नै माया गर्ने हामी तपाईंहरुको घरदैलोमा भोट माग्न फेरि आएका छौं, यसपटक हामीलाई तपाईंहरुको साथ चाहिन्छ," मौर्यले मतदातालाई आग्रह गर्दै भनेका छन् ।

जबाफमा मतदाताहरुले यसपटक आफूहरुको रोजाईमा कांग्रेस नै रहेको प्रतिक्रिया दिएका छन् । घरदैलोमा उपाध्यक्षकी उम्मेदवार अतिकुन निशा खाँ, वडा नम्बर ६ का वडा अध्यक्षका उम्मेदवार प्रेमचन्द्र मौर्य, वडा सदस्य चुनमुन नाउ, सहजराम राढ, महिला सदस्य रेहाना मुकेरी, दलित महिला सदस्य मायावती धोबी, लुम्बिनी प्रदेश कमिटी सदस्य इसाक जोलाहा, गाउँपालिका सभापति मेराज खाँ, क्षेत्रीय सदस्य गुरुमुरत यादव लगायत नेता कार्यकर्ताहरुको उत्साहजनक सहभागिता थियो ।

प्रकाशित मिति: बुधबार, वैशाख २१, २०७९ १७:५८

प्रतिक्रिया दिनुहोस्