'नगर प्रमुखमा प्रशान्तको जित सुनिश्चित'

राजनीति

गृहपृष्ठ
राजनीति
'नगर प्रमुखमा प्रशान्तको जित सुनिश्चित'

'नगर प्रमुखमा प्रशान्तको जित सुनिश्चित'

बुधबार, वैशाख २१, २०७९ बागेश्वरी पोस्ट

नेपालगञ्ज । नेपाली कांग्रेसका तर्फबाट नगर प्रमुखका उम्मेदवार प्रशान्त विष्टको जित सुुनिश्चित भइसकेको प्रतिक्रिया मतदाताहरुले दिइरहेका छन् । मतदाताहरुसंगको भेटघाटका क्रममा विष्टले यस्तो प्रतिक्रिया पाइरहनुभएको छ ।

बैशाख ३० गते हुने स्थानीय तहको निर्वाचन निजिकिँदा विष्टले भेटघाटलाई तीब्रता दिइरहनुभएको छ । विष्टले आज पनि नेपालगञ्जमा राम्रो मत होल्ड गरेको दर्शन सेवा समाज र बाल्मिकी युवा समूहसंग भेटघाट गर्नुभएको छ ।

दुबै समूहसंगको भेटमा नगर प्रमुखका उम्मेदवार विष्टले आफूलाई मत दिएर विजयी बनाए नेपालगञ्जलाई सुन्दर, व्यवस्थित र समृद्ध सहरका रुपमा विकास गर्ने योजना सुनाउनुभएको थियो । त्यसक्रममा दर्शन सेवा समाज र बाल्मिकी युवा समूहले विष्टलाई जित सुनिश्चित भइसकेकाले अब नेपालगञ्ज बनाउने अठोटका साथ अघि बढ्न सुझाब दिएका थिए ।

नगर प्रमुखका उम्मेदवार विष्टले आफूलाई साथ दिएर नेपालगञ्ज बनाउने अभियानमा हातेमालो गर्न आग्रह गर्नुभएको थियो ।

प्रकाशित मिति: बुधबार, वैशाख २१, २०७९ १९:१७

प्रतिक्रिया दिनुहोस्