नेपालगन्ज वडा नम्वर ५ का मतदाताले भने–‘हाम्रो भोट प्रशान्त-कमरुद्दिनलाई’

राजनीति

गृहपृष्ठ
राजनीति
नेपालगन्ज वडा नम्वर ५ का मतदाताले भने–‘हाम्रो भोट प्रशान्त-कमरुद्दिनलाई’

नेपालगन्ज वडा नम्वर ५ का मतदाताले भने–‘हाम्रो भोट प्रशान्त-कमरुद्दिनलाई’

बिहीबार, वैशाख २२, २०७९ बागेश्वरी पोस्ट

नेपालगन्ज । नेपाली काँग्रेसको तर्फबाट नेपालगन्ज उपमहानगरपालिकाका नगर प्रमुख पदका उम्मेदवार प्रशान्त विष्टसहित वडाका उम्मेदवार, नेता तथा कार्यकर्ता घरदैलो गर्दै वडा नम्वर ५ मा पुग्दा मतदाताहरु उत्साहित देखिएका छन् ।

अघिल्लो निर्वाचनमा निर्वाचित जनप्रतिनिधिले आफ्नो वडामा विकास निर्माणका कामहरु गर्न नसकेको भन्दै मतदाताहरुले यो पटक युवा र सक्षम नेतृत्वलाई मत दिने भन्दै विजयको शुभकामना दिएका छन् । ‘अघिल्लो निर्वाचनमा विजयी भएका जनप्रतिनिधिले कामै गरेनन्,' स्थानीय मतदाता जलालु हलवाईले भने–‘यो पटक काम गर्ने र युवालाई भोट हाल्ने हो ।’ अर्का मतदाता राकेश तमौलीले मुखै खालेर यो पटक नेपाली काँग्रेस र जसपाको गठबन्धनबाट नगर प्रमुख पदका उम्मेदवार विष्ट र उपप्रमुख पदका उम्मेदवार कमरुद्दिन राईले भोट हाल्ने बताए । ‘विष्ट र राई सम्भावना बोकेका र योजना भएका उम्मेदवार हुन्,' तमौलीले भने–‘नगरको विकास गर्न योजना बोकेकै नेतालाई जिताउनुपर्छ ।’

घरदैलोमा वडा नम्वर ५ का वडाअध्यक्ष पदका उम्मेदवार, सदस्य पदका उम्मेदवारहरु, प्रदेशसभा सदस्य याकुव अन्सारी, महिला नेतृ माया पुन, निरञ्जनसिंह सिजापति, महासमिति सदस्य, महाधिवेशन प्रतिनिधि लगायतका ठूलो संख्यामा काँग्रेसका कार्यकर्ता सहभागी भएका छन् ।

प्रकाशित मिति: बिहीबार, वैशाख २२, २०७९ ०९:४३

प्रतिक्रिया दिनुहोस्