बैजनाथको परिवर्तनका लागि युवाको नेतृत्व आवश्यक छ: प्रकाश शाही

राजनीति

गृहपृष्ठ
राजनीति
बैजनाथको परिवर्तनका लागि युवाको नेतृत्व आवश्यक छ: प्रकाश शाही

बैजनाथको परिवर्तनका लागि युवाको नेतृत्व आवश्यक छ: प्रकाश शाही

बिहीबार, वैशाख २२, २०७९ बागेश्वरी पोस्ट

बैजनाथ । पछिल्लो समय राजनीतिमा पाका पुस्ताहरुको अनुभव र युवाहरुको जोश अनि जाँगरका बीच पुस्तान्तरण र प्रतिस्पर्धा मात्र छैन, त्यसका लागि आवाजहरु पनि बुलन्द हुँदै सक्रियता र परिवर्तनका वास्तविक चित्रहरु उदाउन थालेका पनि छन् ।

पाका पुस्ताहरुले पद त्याग्न कठिन मानेका बेला युवाहरुले कतै हस्तक्षेप गरेर तथा कहीँ स्वभाविक रुपमा नेतृत्वका लागि अगाडि सरेका उदाहरणहरु प्रशस्त देखिएका छन् । युवाहरुले पाकाहरुको अनुभवसँग आफ्नो जोश र जाँगर प्रयोग गरेका बेला समाज रुपान्तरण सम्भव भएका तिनै उदाहरणले पनि परिवर्तन युवाको नेतृत्वमा हुनुपर्ने आवाज जरुरी रहेको मान्न सकिन्छ ।

बैजनाथ गाउँपालिकामा पनि यस पटकको निर्वाचनमा नेपाली कांग्रेस बैजनाथ गाँउपलिका अध्यक्ष पदका लागि युवा नेता प्रकाश बहादुर शाही आफ्नो राजनैतिक यात्रालाई निरन्तरता दिन साझा नेतृत्वको लागि चुनाबी दौडमा होमिएका छन् । असल चारित्रिक गुण र मिलनसार सहयोगी भावनाको स्वभाव भएका शाही समाज परिवर्तन र सामाजिक आवश्यकता पूरा गर्ने बलियो माध्यम हुनसक्ने धेरैले अनुमान गर्न थालेको पाइन्छ ।

शाहीको चर्चा यही कारणले मात्र होइन वि.स. २०४६ सालको नेबिसंघबाट राजनीतिमा यात्रा सुरु गरेका शाही २०६२/६३ सालको जनआन्दोलनमा साविकको चिसापानी गाविस वडा नम्बर को नेतृत्व गर्दै नेपाली कांग्रेसको १२औं महाधिबेशनबाट क्षेत्रीय उपसभापति भई पार्टीको नेतृत्व हाँकेका थिए । सबैसँग मिल्दो ब्यवहार गर्ने उनी कसैलाई नजिक टाढा देख्न नहुने बताउँछन् । राजनीतिलाई आफूले पेशा नभई सेवाको रुपमा लिएको उनको भनाई छ । बैजनाथको चुनावी दौड जित्न कुनै समस्या नठानेका उनले बैजनाथबासीको साझा पात्र बन्ने प्रयास गरेका छन् ।

प्रकाशित मिति: बिहीबार, वैशाख २२, २०७९ १३:२५

प्रतिक्रिया दिनुहोस्