उद्योगी व्यवसायीको समस्यामा गम्भीर छु : पौडेल

राजनीति

गृहपृष्ठ
राजनीति
उद्योगी व्यवसायीको समस्यामा गम्भीर छु : पौडेल

उद्योगी व्यवसायीको समस्यामा गम्भीर छु : पौडेल

बिहीबार, वैशाख २२, २०७९ बागेश्वरी पोस्ट

नेपालगन्ज । उद्योगी व्यावसायीहरुको समस्या समाधानका लागि आफू निर्वाचित भएपछि पहल गर्ने बाँकेको राप्तीसोनारी गाउँपालिकाका अध्यक्ष पदका उम्मेदवार तप्त पौडेलले बताएका छन् । उद्योगी व्यवसायीहरुको समस्या समाधानका लागि आफू निर्वाचित भएपछि पहल गर्ने प्रतिबद्धता उनले व्यक्त गरेका छन् ।

आज सम्शेरगन्जका व्यवसायी तथा उद्योगीहरुसंगको भेटघाटका क्रममा गाउँपालिकाका अध्यक्ष पदका उम्मेदवार पौडेल र उपाध्यक्ष पदका उम्मेदवार मनिषासिंह थारुले यस बिषयमा गम्भीर भएर काम गर्ने उद्घोष गरे । सो क्रममा उद्योगी व्यवसायीहरुले सम्शेरगन्जको बजारको उचित व्यवस्थापन गर्न माग गर्दै चर्को करको समस्या समाधानका लागि अनुरोध गरेका थिए ।

उद्योगी व्यवसायीहरुले राप्तीसोनारी गाउँपालिकामा काम गर्ने जनप्रतिनिधिको खाँचो रहेको र त्यस्तो उपयुक्त व्यक्ति पौडेल र थारु नै रहेको बताए । उद्योगी तथा व्यापारीहरुले घरदैलोमा पुगेका उम्मेदवारहरुलाई बधाईको अग्रिम शुभकामना दिँदै खादा, अबिर र फूलमालाले स्वागत र सम्मान समेत गरे ।

घरदैलोको क्रममा नेपाली कांग्रेस बाँकेका प्रवक्ता डिल्ली गिरी, बाँके क्षेत्र नम्बर १ का क्षेत्रीय सभापति पोषण केसी, क्षेत्र नम्बर १ का सचिव खुमबहादुर बस्नेत, नेपाली कांग्रेस बाँकेका पूर्व जिल्ला सदस्य एवं प्रदेश प्रतिनिधि पवन कुमार शाह, नेपाली कांग्रेस राप्तीसोनारी गाउँपालिकाका सचिव सुरेश डाँगी, कांग्रेस नेताहरु जोखी कुमार थापा, टोपबहादुर खड्का, बलबहादुर खड्का लगायत ठूलो संख्यामा कांग्रेस नेता कार्यकर्ताहरुको उपस्थिति रहेको थियो ।

बाँकेको राप्तीसोनारी गाउँपालिका वडा नम्बर ८ मा नेपाली कांग्रेसको तर्फबाट वडाअध्यक्षमा नरेन्द्र विक्रम वली, वडा सदस्य मानवहादुर वली, रामनाथ थारु, महिला सदस्यमा निमा देवी पुन र दलित महिला सदस्यमा मिना बिक उम्मेदवार छन् ।

प्रकाशित मिति: बिहीबार, वैशाख २२, २०७९ १३:५६

प्रतिक्रिया दिनुहोस्