जानकीको २ नम्बर वडामा कांग्रेसको शक्ति प्रदर्शन

राजनीति

गृहपृष्ठ
राजनीति
जानकीको २ नम्बर वडामा कांग्रेसको शक्ति प्रदर्शन

जानकीको २ नम्बर वडामा कांग्रेसको शक्ति प्रदर्शन

बिहीबार, वैशाख २२, २०७९ बागेश्वरी पोस्ट

जानकी । जानकी गाउँपालिकाको वडा नम्बर २ मा नेपाली कांग्रेसले ब्यापक प्रचारप्रसार गरेको छ । पालिकाको अध्यक्ष पदका उम्मेदवार छब्बन खाँ, उपाध्यक्ष पदकी उम्मेदवार रामप्यारी यादवसहितको टोलीले आज वडामा चुनावी प्रचारप्रसार गरेको हो । दिनभर कांग्रेस उम्मेदवारहरुले वडा नम्बर २ मा प्रचारप्रसार गरेका हुन् ।

बाजागाजासहित वडावासीको घरदैलोमा पुगेका उम्मेदवारहरुको समर्थनमा वडावासीको व्यापक सहभागिता रहेको थियो । वडा नम्बर २ को चुनावी प्रचारप्रसारमा कांग्रेस उम्मेदवारले यो पटक जनताको सेवा गर्न कांग्रेसलाई भोट दिन अपिल गरेका छन् । अध्यक्ष पदका खाँले वडामा सबै किसिमको विकास गर्न कांग्रेस नेतृत्वको सरकार सक्षम हुने बताए ।

घरदैलो कार्यक्रममा उम्मेदवारहरुले वडामा रहेका वृद्धवृद्धाको आशिर्वाद लिँदै यो पटक पालिकामा कांग्रेसलाई जिताउन आग्रह गरे । स्थानीयले जितको शुभकामना दिएका थिए । घरदैलोमा उपाध्यक्षकी उम्मेदवार रामप्यारी यादवसहित वडा अध्यक्ष र सदस्य पदका उम्मेदवारहरु पनि सहभागी थिए ।

प्रकाशित मिति: बिहीबार, वैशाख २२, २०७९ १६:३५

प्रतिक्रिया दिनुहोस्