मतदाता माझ कोहलपुरका नगर प्रमुख र उपप्रमुख उम्मेदवारको प्रतिवद्धता

राजनीति

गृहपृष्ठ
राजनीति
मतदाता माझ कोहलपुरका नगर प्रमुख र उपप्रमुख उम्मेदवारको प्रतिवद्धता

मतदाता माझ कोहलपुरका नगर प्रमुख र उपप्रमुख उम्मेदवारको प्रतिवद्धता

बिहीबार, वैशाख २२, २०७९ बागेश्वरी पोस्ट

कोहलपुर । कोहलपुर नगरपालिकामा नेपाली कांग्रेसका तर्फबाट नगर प्रमुख पदका उम्मेदवार पूर्णप्रसाद आचार्यले कृषि, शिक्षा, स्वास्थ्य, ब्यापार ब्यवसाय, रोजगारी, धर्म, सँस्कृति, भौतिक पूर्वाधार विकासलाई प्राथमिकतामा राखेको बताएका छन् । कोहलपुर नगरपालिका वडा नम्बर १४ मा आज आयोजित कोणसभालाई सम्बोधन गर्दै उनले कोहलपुर १४ मा बसोबास गर्ने सबै जाति, धर्म, समुदायलाई समेट्ने गरी आफूले काम गर्ने प्रतिवद्धता जनाए ।

‘वडा नम्बर १४ मा ठूला उद्योग धन्दाहरु छन्, उद्योग कलकारखानामा मजदुरले मात्र अवसर पाएका छौं, यो वडामा स्नातक तह पढेका धेरै भाईबहिनी हुनुहुन्छ, आगामी दिनमा योग्यता र क्षमता अनुसार उद्योगभित्र प्रशासन शाखामा रोजगारी दिलाउन म समन्वयकारी भूमिका निभाउनेछु,’ उनले भने । स्थानीय श्रीराम माध्यामिक बिद्यालयमा प्राविधिक धारको शैक्षिक पाठ्यक्रम निर्माण गरी प्राविधिक विषयको पढाई सञ्चालन गर्न पहल गर्ने प्रतिवद्धता जनाए ।

यस्तै वडामा थारु, मधेसी लगायत जातजातिको पनि बसोबास रहेको भन्दै सबै जातिको धर्म, सँस्कृतिको संरक्षणमा जोड दिने बताए । ‘गायत्री परिवार, जय गुरुदेव परिवार लगायतको धर्म र संँस्कृति संरक्षण गर्नमा सक्दो प्रयास गर्नेछौं,’ उनले भने । स्थानीय कृषि हाट बजारको स्तरोन्नति गराउन जोड दिने बताउँदै उनले कोहलपुर बजारका सबैलाई कृषि हाट बजारमा आउने वातावरण बनाउने प्रतिवद्धता जनाए ।

कार्यक्रममा नगर उपप्रमख पदका उम्मेदवार संगिता सुवेदीले हरेक हिसाबले पछाडि परेका महिला, थारु, मधेसी, मुस्लिम, दलित, सिमान्तकृत, अपांगता ब्यक्ति, जनजातिका लागि लक्षित गरेर कार्यक्रम सञ्चालन गरिने बताए ।

आफूहरुले कृषि, शिक्षा, स्वास्थ्य, ब्यापार ब्यवसाय, रोजगारी, धर्म, सँस्कृति, भौतिक पूर्वाधार विकासलाई जोड दिने बताए । सो क्रममा वडा नम्बर १४ का वडा अध्यक्षका उम्मेदवार नमबहादुर आले, वडा सदस्यका उम्मेदवार लगायत कांग्रेस नेता, कार्यकर्ताको ठूलो संख्यामा उपस्थिति रहेको थियो ।

प्रकाशित मिति: बिहीबार, वैशाख २२, २०७९ १७:४२

प्रतिक्रिया दिनुहोस्