'जनताको साथले उत्साहित रविन्द्र'

राजनीति

गृहपृष्ठ
राजनीति
'जनताको साथले उत्साहित रविन्द्र'

'जनताको साथले उत्साहित रविन्द्र'

बिहीबार, वैशाख २२, २०७९ बागेश्वरी पोस्ट

नेपालगञ्ज । रविन्द्र लामिछानलाई हिजोआज भ्याई नभ्याई छ । झिसमिसे विहानदेखि झमक्कै साँझसम्म उनी जनताकै घरदैलोमा हुन्छन् । जनताका कुरा सुन्छन्, आफ्ना योजना सुनाउँछन् अनि बैशाख ३० गतेको स्थानीय तहको निर्वाचनमा रुख चिन्हमा मतदान गर्न आग्रह गर्छन् । किनभने उनी स्वयम् एक उम्मेदवार हुन् । नेपाली कांग्रेसको तर्फबाट नेपालगञ्ज उपमहानगरपालिका वडा नम्बर २० को वडा अध्यक्षका उम्मेदवार रविन्द्र युवा छन् ।

No description available.

बाक्लो दौडधुपले उनी थाकेका छैनन्, बरु मतदाताका घरआंगनमा पुग्दा पाएको माया, सद्भाव र आशिर्वादले हौसिएका छन् । उनी जहाँ पुग्छन्, त्यहाँ मतदाताको न्यानो स्वागत पाइरहेको लामिछाने बताउँछन् । उनी भन्छन्, "२० नम्बर वडाबासीहरुले मलाई विश्वास गरेर वडा अध्यक्षमा जिताउनुहुनेछ भन्ने विश्वास छ, म वडा अध्यक्ष भएँ भने गर्व गर्न लायक वडा बनाउँछु ।"

No description available.

उम्मेदवारी दर्ता गरेपछि उनी निरन्तर घरदैलोमा छन् । उनी वडा नम्बर २० मा यसपटक कांग्रेसको झण्डा गाड्ने लक्ष्यमा अविचलित भएर लागिरहेको बताउँछन् । जनताले आफूमाथि धेरै भरोसा गरेकाले आफूले चुनाव जित्ने लामिछानेको दाबी छ ।

No description available.