खजुरा गाउँपालिकाको उपाध्यक्षमा मञ्जु मल्लप्रति जनलहर बढ्दै

राजनीति

गृहपृष्ठ
राजनीति
खजुरा गाउँपालिकाको उपाध्यक्षमा मञ्जु मल्लप्रति जनलहर बढ्दै

खजुरा गाउँपालिकाको उपाध्यक्षमा मञ्जु मल्लप्रति जनलहर बढ्दै

शनिबार, वैशाख २४, २०७९ बागेश्वरी पोस्ट

खजुरा । बाँकेको खजुरा गाउँपालिकामा आसन्न स्थानीय निर्वाचनका लागि लोकतान्त्रिक बाम गठबन्धनबाट नेपाली कांग्रेसको तर्फबाट उपाध्यक्ष पदका उम्मेदवार मञ्जु मल्लप्रति जनलहर बढ्दै गएको छ । स्थानीय निर्वाचान आउन ६ दिन बाँकी रहँदा पालिकामा जितका लागि गठबन्धन तर्फबाट तीव्र प्रचारप्रसारसहित घरदैलो कार्यक्रमहरु भइरहँदा मल्लप्रति मतदाताहरुको रुझान देखिएको हो ।

स्थानीय निर्वाचन २०७४ मा दोस्रो भएको नेकपा माओवादी केन्द्र र तेस्रो भएको नेपाली कांग्रेसले संयुक्त भएर वैशाख ३० गते हुने निर्वाचनका लागि अन्य पार्टीका उम्मेदवारसँग प्रतिस्पर्धा गर्दैगर्दा खजुरामा गठबन्धन बलियो भएको खजुरावासीको आँकलन रहेको छ । जसमा बलियो उम्मेदवारको रुपमा उपाध्यक्ष पदकी उम्मेदवार मल्लको चर्चा चुलिँदै गएको छ ।

मल्लको उम्मेदवारी बलियो हुनुमा गठबन्धनसँगै उनको व्यक्तिगत स्वभाव पनि हो । सरल स्वभावकी मल्ल मिलनसार र उहाँले अग्रजहरुलाई दिने सम्मानले उनी लोकप्रिय बन्दै गएकी हुन् । चुनावी प्रचारप्रसारमा खजुराका सबै वडामा घरदैलो गरिरहँदा उनले जनतासँग आफ्नो लागि भोट माग्नु भन्दा जनताका समस्या के छन् भनी बढी साध्ने गरेकी छिन् । खजुरावासीसँग भोट माग्दै गर्दा अरुलाई गाली गर्नु भन्दा आफूले के गर्न सकिन्छ भन्ने कुरामा आफूले जोड दिने गरेको उनको भनाई छ ।

प्रकाशित मिति: शनिबार, वैशाख २४, २०७९ १५:३९