जानकीमा कांग्रेसको घरदैलोमा उत्साहजनक सहभागिता

राजनीति

गृहपृष्ठ
राजनीति
जानकीमा कांग्रेसको घरदैलोमा उत्साहजनक सहभागिता

जानकीमा कांग्रेसको घरदैलोमा उत्साहजनक सहभागिता

शनिबार, वैशाख २४, २०७९ बागेश्वरी पोस्ट

जानकी । जानकी गाउँपालिकामा आज भएको घरदैलोमा उत्साहजनक सहभागिता रहेको छ । उक्त गाउँपालिकाको वडा नम्बर २ नेवाजी गाउँमा गरिएको घरदैलोका क्रममा कांग्रेसका उम्मेदवारलाई जिताउन स्थानीयले स्वःस्फूर्तरुपमा सहभागिता जनाएका हुन् ।

कांग्रेसका तर्फबाट गाउँपालिका अध्यक्षका उम्मेदवार छब्बन खाँ, उपाध्यक्षका उम्मेदवार रामप्यारी यादव, वडा नम्बर २ का वडाअध्यक्षका उम्मेदवार अनिलकुमार वर्मा, वडा सदस्य विश्राम बढही, राम धिरज यादव, श्यामकुमारी खटिक र गिता घर्ती मगर लगायत कांग्रेसका स्थानीय नेता, कार्यकर्ता, सर्बसाधारणको सहभागिता रहेको थियो ।

बाजागाजासहित घरदैलोमा निस्केका कांग्रेसका उम्मेदवारलाई स्थानीय बासिन्दाले स्वागत गरेका थिए । सो क्रममा कांग्रेस बाँकेका सभापति नारायणप्रसाद गौडेल, सचिव सुधान्सु कोइराला, कोषाध्यक्ष यज्ञ बस्नेत, जिल्ला सदस्य चन्द्र गुप्ता लगायत पुगेका थिए ।

गाउँपालिका अध्यक्षका उम्मेदवार खाँ र उपाध्यक्षका उम्मेदवार यादवले आफूहरुलाई एकपटक जनताको सेवा गर्ने अवसर दिन आग्रह गरिन् । ‘हामीलाई एक पटक तपाईंको सेवा गर्ने अवसर दिनुस्, हामी विजयी भयौं भने तपाईको सेवा गर्नेछौं,’ खाँले भने । उपाध्यक्षका उम्मेदवार यादवले जनताको सेवा गर्नका लागि आफू राजनीतिमा आएको बताए ।

प्रकाशित मिति: शनिबार, वैशाख २४, २०७९ १५:५१

प्रतिक्रिया दिनुहोस्