'यसअघिकाले न बाटो बनाए, न विजुली ल्याए, अब त कांग्रेस नै रोज्छौं'

राजनीति

गृहपृष्ठ
राजनीति
'यसअघिकाले न बाटो बनाए, न विजुली ल्याए, अब त कांग्रेस नै रोज्छौं'

'यसअघिकाले न बाटो बनाए, न विजुली ल्याए, अब त कांग्रेस नै रोज्छौं'

शनिबार, वैशाख २४, २०७९ बागेश्वरी पोस्ट

नरैनापुर (बाँके) । नरैनापुर विकट छ । राज्यको मूल प्रवाहमा प्रवाहीकरण हुन नसकिरहेको नरैनापुर आफैंमा ठगिएको महसुस गर्छ । गएको पाँच बर्ष स्थानीय जनप्रतिनिधिले नरैनापुरका लागि गम्भीर भएर काम गर्न नसकेको स्थानीयको गुनासो छ । यसअघिका जनप्रतिनिधिहरुले प्रचारबाजी धेरै गरेको तर जनताको पक्षमा काम गर्न नसकेको स्थानीयको भनाई छ ।

बैशाख ३० गते हुने स्थानीय तहको निर्वाचनका लागि नेपाली कांग्रेसका तर्फबाट गाउँपालिकाको अध्यक्ष पदका उम्मेदवार रामचन्द्र मौर्य र उपाध्यक्षकी उम्मेदवार अतिकुन निशा खाँ लगायत वडाका कांग्रेस उम्मेदवारहरु जनताको घरदैलोमा पुग्दा यस्तै गुनासो जनताले सुनाउने गरेका छन् । "हामीले यसअघि कांग्रेसलाई मत नहालेर गल्ती गर्र्यौैं, हाम्रा लागि स्थानीय सरकार आएको अनुभूति नै भएन, पाँच बर्षसम्म न बाटो बनाए न विजुली पुर्याए," आज वडा नम्बर २ रोशनपुर्वामा घरदैलोमा पुगेका कांग्रेस उम्मेदवाहरुलाई स्थानीयले भने-"अरु पार्टीलाई हेरिसक्यौं अब यसपटक हामी कांग्रेसलाई नै जिताउँछौं ।"

अध्यक्ष उम्मेदवार मौर्यले आफूलाई जिताए नरैनापुरको काँचुली फेर्न दत्तचित्त भएर लाग्ने प्रतिबद्धता जनाए । "हामीलाई भोट दिनुस्, कांग्रेसलाई जिताउनुस्, हामी कसैलाई पनि काखापाखा नगरेर विकास र समृद्धिका लागि काम गर्छौं, तपाईंहरुको मत खेर जान दिँदनौं, हामीलाई मत दिएकोमा तपाईंंहरुलाई पछुतो हुनेछैन ।" कांग्रेस उम्मेदवारहरुले आज वडा नम्बर २ को रोशनपुर्वा, लक्ष्मणपुर, मियाँपुर्वा लगायतका गाउँहरुमा घरदैलो गरेका छन् ।

प्रकाशित मिति: शनिबार, वैशाख २४, २०७९ १७:०८