डुडुवालाई ‘कृषि पकेट क्षेत्र’ बनाउने लक्ष्य लिएको छुः चौधरी

राजनीति

गृहपृष्ठ
राजनीति
डुडुवालाई ‘कृषि पकेट क्षेत्र’ बनाउने लक्ष्य लिएको छुः चौधरी

डुडुवालाई ‘कृषि पकेट क्षेत्र’ बनाउने लक्ष्य लिएको छुः चौधरी

शनिबार, वैशाख २४, २०७९ बागेश्वरी पोस्ट

डुडुवा(बाँके) । डुडुवालाई ‘कृषि पकेट क्षेत्र’ बनाउने लक्ष्य लिइएको छ । डुडुवा गाउँपालिका वडा नम्बर ४ अमराहवामा आज आयोजित कोणसभालाई सम्बोधन गर्दै गाउँपालिका अध्यक्ष पदका उम्मेदवार नरेन्द्रकुमार चौधरीले कृषि पकेट क्षेत्रका रुपमा गाँउपालिकालाई स्थापित गराउने प्रतिबद्धता गरेका छन् ।

कृषि पकेट क्षेत्र बनाउनका लागि बिउ उत्पादन केन्द्र निर्माण गरिने उनले बताए । व्यवसायिक पशुपालनलाई दीर्घकालीनरुपमा अघि बढाउन पशुको नश्ल सुधारका कार्यक्रम अघि बढाइने, कृषि उत्पादन बढाउन समयमै रासायनिक मलको सहज उपलब्धताका लागि पहल गरिने चौधरीको भनाई छ ।

तरकारीको पकेट क्षेत्रका रुपमा रहेको हिरमिनियामा तरकारी स्टोर गर्नका लागि कोल्ड स्टोर निर्माण गर्न लागिएको जानकारी दिँदै उनले यसको निर्माण कार्य पूरा गर्ने बताए । यसका साथै कृषि क्षेत्रमा थप सुधारका कार्यक्रम समेत ल्याइने, गाउँपालिकामा कृषि प्राविधिकहरुको उपलब्धतालाई पनि प्रभावकारी बनाइने,
परम्परागत कृषि प्रणालीलाई बदल्न चुनौती रहेकाले त्यसतर्फ गाउँपालिकाले प्रभावकारी कार्यक्रमका योजना लागू गर्ने योजना चौधरीले सुनाए ।

प्रकाशित मिति: शनिबार, वैशाख २४, २०७९ १८:५४

प्रतिक्रिया दिनुहोस्