खजुरामा प्रभाव बढाउँदै गठबन्धन

राजनीति

गृहपृष्ठ
राजनीति
खजुरामा प्रभाव बढाउँदै गठबन्धन

खजुरामा प्रभाव बढाउँदै गठबन्धन

आइतबार, वैशाख २५, २०७९ बागेश्वरी पोस्ट

खजुरा । बाँकेको खजुरा गाउँपालिकामा नेकपा माओवादी केन्द्र र नेपाली कांग्रेसको गठबन्धनको प्रभाव बढ्दै गएको छ । गाउँपालिकामा माओवादी र कांग्रेसको गठबन्धन छ भने वडास्तरमा नेकपा समाजवादी पार्टी पनि जोडिएको छ ।

गठबन्धन तर्फबाट गाउँपालिका अध्यक्ष पदका उम्मेदवार डम्बर विक ‘तुफान’ ले निर्वाचन जित्नका लागि नै गठबन्धन बनेको बताए । उनका अनुसार गाँउपालिकाका ८ वडा मध्ये १ देखि ४ सम्मका वडामा गठबन्धन भएको छ । वडा नम्बर १ र ३ मा कांग्रेस र वडा नम्बर २ र ४ मा माओवादीले अध्यक्ष पदको उम्मेदवारी पाएको छ ।

पालिकाका सबै वडामा गठबन्धनले गरेको चुनावी कसरतले खजुरामा गठबन्धनको प्रभाव बढ्दै गएको उनले बताए । खजुरामा गठबन्धन तर्फबाट उपाध्यक्ष पदकी उम्मेदवार मञ्जु मल्लले गाउँपालिका गठबन्धनमय बन्न सफल हुँदै गएको बताइन् ।

आज पनि गठबन्धनले गाउँपालिकाका विभिन्न वडाहरुमा निर्वाचन आयोगको आचारसंहितभित्र रहेर प्रचारप्रसार गरेका छन् । सामान्यरुपमै जनताको घरदैलोमा पुगेका गठबन्धनका उम्मेदवारहरुसँग खजुरावासीले आफ्नो ठाउँका समस्या सुनाए ।

गठबन्धनका उम्मेदवारले वडा नम्बर २ सीतापुरमा जनतासँगको भेटघाटमा वडामा हुने विकास निर्माणका काममा भ्रष्टाचार नगर्ने प्रतिवद्धता जनाए । आफूले निर्वाचन जिते भ्रष्टाचारलाई शून्य सरह बनाउने अध्यक्ष पदका उम्मेदवार तुफानले बताए । उनले खजुरामा रहेको सुकुम्वासीका समस्यालाई समाधान गर्नका लागि समेत अग्रसरता लिने बताए ।

उपाध्यक्ष पदकी उम्मेदवार मल्लले आफू निर्वाचित भएपश्चात सबैलाई समानरुपमा सेवा दिने बताइन् ।

No description available.