लमहीमा कांग्रेसका उम्मेदवार जोगराज र लक्ष्मीको घरदैलो,मतदाता उत्साहित

राजनीति

गृहपृष्ठ
राजनीति
लमहीमा कांग्रेसका उम्मेदवार जोगराज र लक्ष्मीको घरदैलो,मतदाता उत्साहित

लमहीमा कांग्रेसका उम्मेदवार जोगराज र लक्ष्मीको घरदैलो,मतदाता उत्साहित

सोमबार, वैशाख २६, २०७९ बागेश्वरी पोस्ट

लमही (दाङ ) । दाङको लमही नगरपालिकामा कांग्रेसका तर्फबाट नगर प्रमुखका उम्मेदवार जोगराज चौधरी र उपप्रमुखका उम्मेदवार लक्ष्मी योगीले घरदैलोलाई तीब्र बनाएका छन् । चौधरी र योगीले आज बिहानै देखि लमही वडा नम्बर ५ का विभिन्न टोलमा गएर मतदाताहरुलाई भेटिरहेका छन् ।

मतदाताहरुसँग भेटघाट गर्दै नगर प्रमुख र उपप्रमुखका उम्मेदवार चौधरी र योगीले स्थानीयका समस्या सुन्दै समाधानका लागि दत्तचित्त भएर लाग्ने प्रतिबद्धता जनाएका छन् । उनीहरुको प्रतिबद्धता सुनेर मतदाताहरु समेत उत्साहित बनेका छन्

चौधरी र योगीले आफूहरु निर्वाचित भए पूर्वाधार विकाससंगै स्वास्थ्य, शिक्षा लगायतका अन्य विषयहरुलाई प्राथमिकतामा राखेर काम गर्ने बताए । लमही नगरपालिकाका मतदाताहरुले चिरपरिचित अनुहार र सहयोगी मनका नगर प्रमुख र उपप्रमुखका उम्मेदवार चौधरी र योगीलाई जिताउन आफूहरु लागिपरेको प्रतिक्रिया दिएका छन् । यस पटक लमहीको नगरप्रमुख र उपप्रमुखमा कांग्रेसलाई नै विजयी बनाउने भन्दै मतदातहरु पनि आफै प्रचारप्रसारमा जुटेका छन् ।

घरदैलोमा नगर प्रमुखका उम्मेदवार विष्टसंगै वडा नम्बर ५ का वडा अध्यक्ष पदका उम्मेदवार सहित सदस्यका उम्मेदवारहरु, नेता, कार्यकर्ता एवम् शुभेच्छुहरुको उपस्थिति थियो ।

प्रकाशित मिति: सोमबार, वैशाख २६, २०७९ १३:१८