अघिल्लो निर्वाचनमा गरेका मेरा प्रतिबद्धता पुरा गरेको छु: वर्मा

राजनीति

गृहपृष्ठ
राजनीति
अघिल्लो निर्वाचनमा गरेका मेरा प्रतिबद्धता पुरा गरेको छु: वर्मा

अघिल्लो निर्वाचनमा गरेका मेरा प्रतिबद्धता पुरा गरेको छु: वर्मा

सोमबार, वैशाख २६, २०७९ बागेश्वरी पोस्ट

नेपालगन्ज । बैशाख ३० गते हुने स्थानीय तह निर्वाचन अन्तर्गत नेपालगन्ज वडा नम्बर २२ मा नेपाली कांग्रेसबाट बिद्याराम बर्मा अध्यक्षका उम्मेदवार हुन् । अघिल्लो स्थानीय तहको निर्वाचनमा पनि निर्वाचित भएका अध्यक्षका उम्मेदवार बर्मा यसपटक पनि विजयी हुने आशामा छन् । स्थानीय निर्वाचनमा उनको उम्मेदवारी बारे गरिएको कुराकानी यस्तो छ।

१.मतदातालाई भेटिरहनुभएको छ, कस्तो प्रतिक्रिया पाउनुभएको छ ?

जनता भोट दिन उत्साहित छन्। विकास भएकोमा खुशी भएर अगामी दिनमा विकास र समृद्धिको लागि निर्वाचनमा सहभागि हुने उत्साहित छन्।

२. तपाईंले जित्ने आधारहरु के-के हुन् ?

यी कारणहरु मेरा जितका आधार हुन् -

क: गत निर्वाचनमा गरिएको बाचा तथा प्रतिबद्धताहरु पुरा भएका छन्।

ख: जनताको सुख दुःखको साथी भएर सेवकको रुपमा काम गरेको छु।

ग: सबै जाती, समुदाय ,वर्ग र धर्म को बराबर सम्मान र स्तर उन्नतीको काम गरेको ।

घ: गरीब तथा विपिन्न वर्गको लागि स्वास्थ्य सेवामा विशेष ध्यान दिइ निःशुल्क रगतको व्यवस्था गरेको ।

ङ: शिक्षा, स्वास्थ्य, कृषिको क्षेत्रमा विशेष काम गरेको ।

च : बाटो नाला समुदायिक भवन जस्ता नमूना निर्माण विकासको काम गरेको।

छ: भ्रष्टाचार मुक्त र सुशासन भएको वडा बनाउन सफल (भ्रष्टाचार सम्बन्धी कुनै उजुरी मुद्दा र कुनै पनि बेरुजु नरहेको )

३.कस्ता कस्ता प्रतिबद्धता लिएर जनतामाझ जानुभएको छ ?

म जनतामाझ यस्ता प्रतिबद्धता लिएर गएको छु-

बाँकि रहेको सबै वस्तीहरुमा बाटो, नाला निर्माणमा प्रथामिकता ,

शिक्षा , स्वास्थ्य , कृषि , युवा , महिला , अपाङताको विशेष योजना लागु गर्न ,

सामाजिक सुरक्षा भत्ता वितरणमा सहजता वडाबाट प्रदान गर्ने ,

जनतालाई सुशासन र मुस्कान सहितको सेवा दिने।

४ . अरु उम्मेदवारहरु भन्दा तपाईं कसरी फरक, मतदाताहरुले तपाईंलाई रोज्नुपर्ने कारण ?

म सरल सहज र सबैको भावनाको कदर र सम्मान गर्ने सक्ने र प्रशासकीय तथा विकासको काममा अनुभवी सेवक भएको कारण म अरु भन्दा फरक र विकासप्रेमी भएका कारण मलाई मतदाताले रोज्ने रोजिरहेका छन्

५.अन्त्यमा २२ नम्बर वडाबासी मतदाताहरुलाई के भन्नुहुन्छ ?

सबै मतदाताहरुलाई राजनितिकमा सक्रिय सहयोगी र सरल व्यक्तिलाई निष्पक्ष र स्वतन्त्रपूर्वक उत्साहित भएर नेपाली काँग्रेसको चुनाव चिन्ह रुखमा मतदान गर्न अनुरोध गर्दछु ।

प्रकाशित मिति: सोमबार, वैशाख २६, २०७९ १५:०८

प्रतिक्रिया दिनुहोस्