‘कांग्रेस सक्षम भएकाले कोहलपुरमा एक्लै लडेका हौं : भानुभक्त भट्टराई

राजनीति

गृहपृष्ठ
राजनीति
‘कांग्रेस सक्षम भएकाले कोहलपुरमा एक्लै लडेका हौं : भानुभक्त भट्टराई

‘कांग्रेस सक्षम भएकाले कोहलपुरमा एक्लै लडेका हौं : भानुभक्त भट्टराई

सोमबार, वैशाख २६, २०७९ बागेश्वरी पोस्ट

बाँकेको कोहलपुर नगरपालिकामा नेपाली कांग्रेसप्रति जनलहर बढ्दै गएको छ । कोहलपुर नगरपालिकाका १५ वटै वडामा कांग्रेसका उम्मेदवारले घरदैलो गरिरहेका छन् । घर दैलोबाट उत्साहजनक प्रतिक्रिया आएको छ । जसले प्रमुख, उप्रमुख, वडा अध्यक्ष तथा वडा सदस्यका कांग्रेस तर्फका उम्मेदवारमा उत्साह थपिएको छ भने मतदाताहरुमा पनि कांग्रेसप्रति विश्वास बढको छ । कोहलपुरको चुनावी माहोल, चुनाव जित्न कांग्रेसको तयारी लगायत विविध विषयमा रहेर कांग्रेसका महाधिवेशन प्रतिनिधि भानुभक्त भट्टराईसँग गरिएको संवाद

१. चुनावी घरदैलोमा तपाईं पनि उम्मेदवारसँगै पुगिरहनुभएको छ, कोहलपुरमा कांग्रेसप्रति मतदाताको दृष्टिकोण कस्तो पाउनुभएको छ ?

कांग्रेसप्रति जनलहर एकदमै राम्रो रहेको छ । नेकपा एमालेले ५ बर्ष बहुमत पाउँदा पनि महसुस गर्ने गरी विकासको गति अगाडि बढाउन सकेन । कोहलपुरमा स्थानीय तहमा ३० बर्षसम्म नेकपा एमालेले एकलौटी रुपमा काम गर्यो, तर उपलब्धिमूलक काम हुन नसकेकोले जनताको भरोसा अब कांग्रेसमा आइपुगेको छ । नेकपा एमालेले अहिलेसम्म हेरिने, सुनिने र देखिने गरी कुनै काम नगरेकोले कांग्रेसको आवश्यकता महसुस कोहलपुरका जनताले गरेका छन् ।

२. यहाँ कांग्रेसले गठबन्धन किन गर्न सकेन ?

कोहलपुरमा कांग्रेसको जनलहर एकदमै राम्रो छ । कोहलपुरमा कांग्रेसको मेयरको दाबी थियो, तर उपमेयर बाहेक अरुमा गठबन्धनले सहमति नजनाएपछि कांग्रेस एक्लै लड्न तयार भयो । कांग्रेस सक्षम भएकाले कोहलपुरमा एक्लै लडेका हौं । त्यसकारण हामी विजयी हुने संभावना छ र हामीले गठबन्धन गरेनौं ।

३. कोहलपुरको निर्वाचनलाई कसरी हेरिरहनुभएको छ ?

कोहलपुरको निर्वाचन सबैको एकतामा अगाडि बढेको छ । कांग्रेसप्रतिको धारणा एकदमै सकारात्मक रहेको छ । कोहलपुरको नगर प्रमुखमा पुर्णप्रसाद आचार्य र उपप्रमुखमा संगिता सुवेदी सक्षम भएकाले जनताले आशिर्वाद र शुभेच्छा प्रकट गरिरहनुभएको छ ।

४. कोहलपुरको नगर प्रमुख र उपप्रमुख पदका उम्मेदवार कत्तिको योग्य हुनुहुन्छ ?

योग्यताको हिसाबले कुरा गर्दा हाम्रा दुबै जना उम्मेदवारले स्नातकोत्तर तह उत्तिर्ण गर्नुभएको छ । शैक्षिक तथा व्यवहारिक रुपमा नै उहाँहरु परिपक्क हुनुहुन्छ । उहाँको व्यक्तित्व र नेतृत्व क्षमता पनि सक्षम छ । उहाँहरु विकासको परिकल्पना गर्न सक्ने खालको हुनुहुन्छ । जसले गर्दा हाम्रा उम्मेदवार अहिले सबैको आँखामा भिज्नुभएको छ । अनि सबैको मनमा बस्नुभएको छ ।

५. कोहलपुरमा कांग्रेसलाई जनताले भोट किन दिने ?

कोहलपुरमा ३० बर्षदेखि नेकपा एमालेले जिम्मेवारी पाएर पनि केही गर्न सकेन । लामो समयपछि स्थानीय तहको जिम्मेवारी पाउँदा पनि ५ बर्षे कार्यकालमा एमालेले केही गर्न सकेन । जनताले दिएको बहुमतलाई बेवास्ता गरेर सेवा र सुविधा जनतालाई दिने भन्दा पनि आफैं बिलासीपूर्ण जीवन जिउनतिर लाग्यो । जनताहरुले व्यापक विरोध गरे । यस्तो अवस्थामा अबको नेतृत्वको जिम्मा नेपाली कांग्रेसलाई दिनुपर्छ । जुन कुरा कोहलपुर क्षेत्रका जनताले महसुस गरिरहेका छन् ।

६. नगर प्रमुख र उपप्रमुखमा कांग्रेस उम्मेदवारले जित्नु भयो भने कोहलपुरका लागि मुख्यरुपमा के काम गर्न आवश्यक छ ?

कोहलपुरमा कांग्रेस उम्मेदवारले जितेमा नापी नभएका जनतालाई जग्गाको लालपुर्जा वितरण गर्ने काम हुन्छ । मसानघाट बनाउने, पर्यापर्यटनको विकास गर्ने, धार्मिक क्षेत्रको विकास गर्ने, स्वास्थ्य, शिक्षा र पूर्वाधार विकासमा नेपाली कांग्रेसले प्राथमिकता दिएर काम गर्न आवश्यक छ ।

प्रकाशित मिति: सोमबार, वैशाख २६, २०७९ २१:०७

प्रतिक्रिया दिनुहोस्