राप्तीसोनारी ६ मा कांग्रेसको शक्ति प्रदर्शन, कांग्रेसको विजय निश्चित

राजनीति

गृहपृष्ठ
राजनीति
राप्तीसोनारी ६ मा कांग्रेसको शक्ति प्रदर्शन, कांग्रेसको विजय निश्चित

राप्तीसोनारी ६ मा कांग्रेसको शक्ति प्रदर्शन, कांग्रेसको विजय निश्चित

सोमबार, वैशाख २६, २०७९ बागेश्वरी पोस्ट

नेपालगन्ज । राप्तीसोनारी गाउँपालिकाको वडा नम्बर ६ मा काँग्रेसले आज शक्ति प्रदर्शन गरेको छ । आज दिउँसो २ बजे सयौं मोटरसाइकल, पचासौं टयाक्टर र जिपहरुसहित हजारौं नेता कार्यकर्ताहरुको उपस्थितिमा राप्तीसोनारी वडा नम्बर ६ कुन्दा चोकबाट सुरु भएको ¥याली सिद्धेश्वर स्कुल नजिक पुगेर कोण सभामा परिणत भएको थियो ।

कोण सभालाई सम्बोधन गर्दै राप्तीसोनारी गाउँपालिकाका अध्यक्ष पदका उम्मेदवार तप्त पौडेलले बिकास र समृद्धि , सामाजिक सुरक्षा र गुणस्तरीय शिक्षा लगायतका बिषयमा योजनाबद्ध रुपमा काम गर्ने बताए । बिकास र समृद्धि, वृद्ध र वृद्धाका लागि सामाजिक सुरक्षा, विद्यार्थीका लागि शिक्षा, युवाका लागि सुरक्षा, सबैका लागि स्वास्थ्य सेवा र बिकासका लागि कांग्रेसको विजय अपरिहार्य रहेको पौडेलले बताए ।

उपाध्यक्षका उम्मेदवार मनिषासिंह थारुले पनि बिकासका लागि कांग्रेसलाई जिताउन आग्रह गरिन् । थारुले जनताहरुले दिएको साथ र समर्थनलाई सधैं सम्मान गरी बिकासका काममा अगाडि बढ्ने प्रतिबद्धता व्यक्त गरिन् ।

यस्तै नेपाली कांग्रेस बाँकेका सभापति नारायण प्रसाद गौडेलले राप्तीसोनारीमा कांग्रेसको जित निश्चित भएको बताउँदै आजको कांग्रेसको शक्ति प्रदर्शनले बिपक्षी समेत डगमगाइसकेको बताए ।

कोण सभालाई सम्बोधन गर्दै नेपाली कांग्रेस प्रतिनिधि सभा क्षेत्र नम्बर १ का क्षेत्रीय सभापति पोषण केसीले राप्तीसोनारीमा कांग्रेसलाई विजयी बनाउन सबै एकजुट भएर लाग्नुपर्ने बताए ।

कोण सभामा वडा नम्बर ६ का अध्यक्ष पदका उम्मेदवार सन्जय राणाले स्थानीयको साथ र समर्थनले आफूमा उत्साह थपेको बताए । नेपाल तरुण दलका पूर्व महासचिव एबं बाँके कांग्रेसका नेता हुर्मत न्यौपाने र महाधिवेशन प्रतिनिधि संगीता थारुले राप्तीसोनारीमा कांग्रेसको विजय निश्चित भएको बताए ।

आजको कांग्रेसको शक्ति प्रदर्शनमा नेपाली कांग्रेस बाँकेका प्रवक्ता डिल्ली गिरी, प्रदेश सभा १ 'क' का सभापति लक्ष्मण थारु, बाँके कांग्रेसका कोषाध्यक्ष यज्ञ बहादुर बस्नेत लगायत हजारौं नेता कार्यकर्ताको उपस्थिति थियो।

प्रकाशित मिति: सोमबार, वैशाख २६, २०७९ २२:३०