दाङमा मोटरसाइकल दुर्घटनामा एक जना महिलाको मृत्यु

समाचार

गृहपृष्ठ
समाचार
दाङमा मोटरसाइकल दुर्घटनामा एक जना महिलाको मृत्यु

दाङमा मोटरसाइकल दुर्घटनामा एक जना महिलाको मृत्यु

शुक्रबार, पुस १८, २०७६ बागेश्वरी पोस्ट

सांकेतिक तस्बिर

दाङ । दाङमा मोटरसाईकल दुर्घटनामा एक जना महिलाको मृत्यु भएको छ । मृत्यु हुने महिला तुलसीपुर उपमहानगरपालिका वडा नं ११ कटाँहा माइती घर भएकी २४ बर्षीया पवित्रा डाँगी रहेकी छिन् ।

मृतक डाँगी हाल तुलसीपुर ६ बरुवा गाउँमा कोठा भाडामा लिएर बस्दै आएकी थिइन । ईलाका प्रहरी कार्यालय तुलसीपुरका अनुसार विहीवार बेलुका सवा ८ बजेतिरघोराहीवाट तुलसीपुर तर्फ आउँदै गरेको रा ५ प ८४२ नम्वरको मोटरसाईलक तुलसीपुरको बेलझुन्डिमा दुर्घटना हुँदा डाँगी गम्भीर घाइते भएकी थिइन ।

उनको उपचारको क्रममा राप्ती लाईभ केयर हस्पिटल तुलसीपुरमा मृत्यु भएको प्रहरी प्रबक्ता पालले जानकारी दिए ।स्रोतका अनुसार मृतक पवित्राका पति विदेशमा रहेको खुल्न आएको छ ।

मोटरसाईकल चालक तुलसीपुर ९ बेलुवा निवासी ४८ बर्षीय कुलबहादुर डाँगी सामान्ने घाइते भएका छन् । घाइते डाँगीलाईअनुसन्धानका लागि प्रहरीले नियन्त्रणमा लिएको छ ।

प्रकाशित मिति: शुक्रबार, पुस १८, २०७६ ११:२९

प्रतिक्रिया दिनुहोस्