प्रधानमन्त्री देउवाको गृहपालिकामा कांग्रेसका कार्की निर्वाचित

आम निर्वाचन-२०७९

गृहपृष्ठ
आम निर्वाचन-२०७९
प्रधानमन्त्री देउवाको गृहपालिकामा कांग्रेसका कार्की निर्वाचित

प्रधानमन्त्री देउवाको गृहपालिकामा कांग्रेसका कार्की निर्वाचित

शनिबार, वैशाख ३१, २०७९ बागेश्वरी पोस्ट

नेपालगञ्ज । । प्रधानमन्त्री शेरबहादुर देउवाको गृह पालिका गन्यापधुरा गाउँपालिकाको अध्यक्षमा नेपाली कांग्रेसका उम्मेदवार इन्द्रबहादुर कार्की निर्वाचित भएका छन् ।

कार्कीले ३ हजार ३ सय ८४ मत प्राप्त गरेका छन् भने उनका निकटतम् प्रतिद्वन्दी नेपाली कांग्रेस बिपीका सुरेन्द्र मालीले एक हजार ६०४ मत पाएका छन् ।

त्यस्तै उपाध्यक्षमा पनि कांग्रेसकै उम्मेदवार ज्ञानुकुमारी सेटी निर्वाचित भएकी छन् । उनले ३ हजार १३ मत पाएकी छन् । उनका निकटतम् प्रतिद्वन्दी नेकपा एमालेका इन्द्र महराले १ हजार ७०३ मत पाप्त पाएका छन् । प्रधानमन्त्री देउवाले वडा नम्बर १ को रुवाखोलाबाट मतदान गरेका थिए ।

अहिलेसम्म डडेल्धुरा जिल्लामा ११ वडाको मत परिणाम सार्वजनिक हुँदा नेपाली कांग्रेसले सात वडामा विजयी भएको छ भने एमाले एक वडा, माओवादी केन्द्र एक, नेपाली कांग्रेस बिपी एक वडामा निर्वाचित भएको मुख्य निर्वाचन अधिकृत हरिप्रसाद शर्माले जानकारी दिए ।

प्रकाशित मिति: शनिबार, वैशाख ३१, २०७९ २१:१९