सरकारले २०७९/८० को बजेट आज प्रस्तुत गर्दै

राजनीति

गृहपृष्ठ
राजनीति
सरकारले २०७९/८० को बजेट आज प्रस्तुत गर्दै

सरकारले २०७९/८० को बजेट आज प्रस्तुत गर्दै

आइतबार, जेठ १५, २०७९ बागेश्वरी पोस्ट

नेपालगञ्ज । सरकारले आगामी आर्थिक वर्ष २०७९/८० को बजेट आज दिउँसो ४ बजे प्रस्तुत गर्दैछ । संविधानको धारा ११९ बमोजिम अर्थ मन्त्री जनार्दन शर्माले आर्थिक वर्ष २०७९/८० को राजश्व र व्ययको वार्षिक अनुमान प्रस्तुत गर्नेछन् । बजेट प्रस्तुतिका लागि सम्पूर्ण सांसदहरूलाई दिउँसो ३ बजेर ३५ मिनेटभित्रै संसद् भवनमा प्रवेश गर्न सभामुख सापकोटाले रुलिङ गरेका छन् ।

उच्च आयात र घट्दो विप्रेषणका कारण भुक्तानी सन्तुलनमा चाप परेकाले आन्तरिक उत्पादनलाई जोड दिने गरी नयाँ बजेट ल्याउने सरकारको तयारी छ । नयाँ बजेटका लागि राष्ट्रिय योजना आयोगले १७ खर्ब ४५ अर्ब रुपियाँको सीमा निर्धारण गरेको छ । सरकारले तोकिएको सीमाभित्रै रहने गरी बजेट ल्याउने जनाएको छ ।

प्रकाशित मिति: आइतबार, जेठ १५, २०७९ ०८:५३