शिक्षकको निर्घात कुटाईबाट एक विद्यार्थी गम्भीर घाइते

समाचार

गृहपृष्ठ
समाचार
शिक्षकको निर्घात कुटाईबाट एक विद्यार्थी गम्भीर घाइते

शिक्षकको निर्घात कुटाईबाट एक विद्यार्थी गम्भीर घाइते

कुटपिट गर्ने शिक्षक शैलेन्द्र बरई फरार

आइतबार, पुस २०, २०७६ बागेश्वरी पोस्ट

प्रकाश आचार्य, बुटवल । गृहकार्य नगरेको भन्दै रुपन्देहीमा शिक्षकको कुटाईबाट एक विद्यार्थी गम्भीर घाइते भएका छन् ।

सम्मरीमाई गाउँपालिका वडा नम्बर ६ मा रहेको ज्ञानदिप बोर्डिङ स्कूलका शिक्षक शैलेन्द्र बरईले कक्षा पाँचमा अध्ययनरत् विद्यार्थी तौफिक धुनियालाई कुुटपिट गरी गम्भीर घाइते बनाएका हुन् ।

कुुटाइबाट विद्यार्थी धुनियाको बाँया आँखामा गम्भीर चोट लागेको छ । गएको बुधबार घटना भए पनि शनिबार मात्रै बाहिर आएको छ । विद्यार्थी कुटपिट गर्ने बरई शिक्षक फरार छन् । सोही दिनदेखि एक हप्ताका लागि विद्यालय बन्द गरिएको छ ।

गृहकार्य विद्यार्थी धुनियाले गर्न नसकेर विद्यालय जाँदा उनीमाथि कुटपिट गरिएको परिवारले जनाएको छ । विद्यार्थी धुनियाँको उपचार स्थानीयस्तरमा सम्भव नभएपछि थप उपचारको लागि भैरहवास्थित युनिभर्सल कलेज अफ मेडिकल साइन्सेजमा ल्याइएको धुनियाका हजुरबाबा मोहम्मद हुसेन धुनियाले बताए ।

इलाका प्रहरी कार्यालय मर्चवार प्रमुख प्रहरी निरीक्षक पोषणराज ढकाल आफूूहरुले फरार शिक्षकको खोजी गरिहेको बताए । ‘परिवारले उजुरी भने अहिलेसम्म दिएको छैन । 'हामी खोजी गरिरहेका छौ । प्रक्रिया पुर्‍याएर पक्राउ गरी आवश्यक कारवाही गछौं,’ ढकालले भने ।

शिक्षकलाई अटेरी गरेको र गृहकार्य नगरेको कारण शिक्षकले उनलाई सामान्य तर्साएको उनको दावी छ । विद्यालयले कक्षा ४ सम्मको मात्र अनुमति लिएको पाइएको छ ।

प्रकाशित मिति: आइतबार, पुस २०, २०७६ ०८:४२

प्रतिक्रिया दिनुहोस्