नेपालगन्जको काञ्जिहाउसमा रहेका चौपायामा संंक्रमण देखिदै,आहाराको अभाव

समाचार

गृहपृष्ठ
समाचार
नेपालगन्जको काञ्जिहाउसमा रहेका चौपायामा संंक्रमण देखिदै,आहाराको अभाव

नेपालगन्जको काञ्जिहाउसमा रहेका चौपायामा संंक्रमण देखिदै,आहाराको अभाव

आइतबार, पुस २०, २०७६ बागेश्वरी पोस्ट

नेपालगन्ज । बिगत केही वर्षयता कोहलपुर नेपालगन्ज सडक खण्डमा छाडा चौपायाका कारण धेरै दुर्घटना भए। जसमा कैयौं ब्यक्तीले ज्यान गुमाए भने कैयौं घाइते भए त सयौं चौपायाले समेत ज्यान गुमाए ।

अब्यवस्थित रुपमा सडकमा छाडिएका पशुचौपायाका कारण नै त्यस्ता दर्जनौं दुर्घटना भएका हुन् । दुर्घटनाको प्रमुख कारक बन्दै आएका पशुचौपायालाई नियन्त्रणकालागि नेपालगन्ज उपमहानगरपालिकाको प्रयासमा काञ्जिहाउस निर्माण गरियो । नेपालगन्जस्थित पुरैनामा निर्माण गरीएको काञ्जीहाउसमा पर्खालका साथै आवश्यक भौतिक संरचना निर्माण गरियो ।

पुरैनामा रहेको काञ्जीहाउसमा अहिले ५३ वटा पशुचौपाया राखिएका छन । यद्यपी अझैं सडकका अब्यवस्थित सयौं पशुचौपायाको उचित ब्यवस्थापन हुन सकिरहेको छैन । अत्याधिक चिसो तथा पोषक खानाको अभावमा ति चौपायामा संक्रमण देखिएको छ । चिसो मौसम बढेसँगै उचित आहारा र औषधी उपचारको अभावमा त्यहाँका गाईगोरू विभिन्न रोगको संक्रमणबाट ग्रसित छन् । काञ्जि हाउसमा रहेका गाईगोरू यसरी विरामी पर्दा समेत सम्बन्धित निकाय नेपालगन्ज उपमहानगरपालिका तथा पशु सेवा कार्यालय भने उदासिन देखिएका छन् ।

गाईगोरूका लागि आवश्यक उचित आहाराको अभाव छ, काञ्जिहाउसका इन्चार्ज भारतीले भने ‘भुस र थोरै घाँसका भरमा राखिएको छ । यहाँ सबै चौपायाका लागि आवश्यकता अनुसारको पानी समेत छैन् ।’विगतमा काञ्जि हाउसमा रहेका गाईगोरूलाई आहारा दिनका लागि नेपालगन्ज ग्यालरी लगायतका विभिन्न अभियान्ताले घाँस, पानी, भुस लगायत आहाराको व्यवस्थापन गरेपनि अहिले ती अभियान्ता समेत निश्क्रिय रहँदै आएको भारतीले बताए ।

यसअघि तत्कालिन शहरी विकास मन्त्री मो. इस्तियाक राईले काञ्जि हाउस मर्मत तथा यहाँका गाईगोरूको उचित आहारा व्यवस्थापनका लागि नेपालगन्ज ग्यालरीलाई ५० हजार प्रदान गरेका थिए । यसपछि मन्त्री राईले काञ्जि हाउसको मर्मत, सम्भार तथा गाईगोरूको उचित आहारा र व्यवस्थापनका लागि एक करोड बजेट विनियोजन गरेको उद्घोष गरेका थिए ।

तर, अहिले काञ्जि हाउसका गाईगोरूले उचित आहारा र औषधी उपचार नपाई छ्टपटाईरहेका छन् । मन्त्री राईले उद्घोष गरेको एक करोड बजेट अहिले पनि काञ्जि हाउसका लागि प्रयोग हुन सकेको छैन् ।

प्रकाशित मिति: आइतबार, पुस २०, २०७६ १५:४०

प्रतिक्रिया दिनुहोस्