मुगुको यार्सा संकलन क्षेत्रमा लेक लागेर दुई जनाको मृत्यु

समाचार

गृहपृष्ठ
समाचार
मुगुको यार्सा संकलन क्षेत्रमा लेक लागेर दुई जनाको मृत्यु

मुगुको यार्सा संकलन क्षेत्रमा लेक लागेर दुई जनाको मृत्यु

शनिबार, जेठ २१, २०७९ बागेश्वरी पोस्ट

नेपालगञ्ज । मुगुको मुगुम कार्मारोङ गाउँपालिकाको यार्सा संकलन क्षेत्रमा लेक लागेर दुई दिनको फरकमा दुई जनाको मृत्यु भएको छ ।

मुगम कार्मारोङ गाउपालिका ७ महगाउँका १६ बर्षका असल तामाङको शुक्रबार दिउँसो लेक लागेर मृत्यु भएको हो । उनी मांग्री गाउँस्थित बुद्ध माध्यमिक विद्यालय कक्षा ९ मा अध्यायरत थिए ।

टाके पाटन क्षेत्रमा यार्सा टिप्न गएका तामाङ लेक लागेर सिकिस्त बिरामी भएपछि बोकेर गाउँतर्फ ल्याउँदै गर्दा छोटेचौर भन्ने स्थानमा उनको मृत्यु भएको मुगुम कार्मारोङ गाउँपालिका वडा नम्बर ७ का वडा अध्यक्ष शशांक लामाले जानकारी दिए ।

बुधबार पनि यार्सा संकलकको सुरक्षार्थ खटिएका जिल्ला प्रहरी कार्यालयमा कार्यरत प्रहरी हवल्दार राजबहादुर सिंहको कोइकी पाटनमा लेक लागेर मृत्यु भएको थियो ।

नेपाली सेनाको हेलिकप्टरबाट उद्धार गरी कोहलपुर शिक्षण अस्पतालमा ल्याइएका उनको उपचारका क्रममा मृत्यु भएको जिल्ला प्रहरी कार्यालय मुगुका प्रमुख प्रहरी नायब निरीक्षका सुवास हमालले बताए ।

प्रकाशित मिति: शनिबार, जेठ २१, २०७९ ११:०३

प्रतिक्रिया दिनुहोस्