रोहिणी खोला पुलबाट बस खस्यो, ९ जनाको मृत्यु

समाचार

गृहपृष्ठ
समाचार
रोहिणी खोला पुलबाट बस खस्यो, ९ जनाको मृत्यु

रोहिणी खोला पुलबाट बस खस्यो, ९ जनाको मृत्यु

आइतबार, जेठ २२, २०७९ बागेश्वरी पोस्ट

नेपालगन्ज । पुलबाट बस खोला खसेर दुर्घटना हुँदा ९ जनाको मृत्यु भएको छ । रुपन्देहीमा बस पुलबाट खोलामा खस्दा ९ जनाको मृत्यु भएको हो । जिल्लाको परासी- भैरहवा सडकखण्ड अन्तर्गत् रोहिणी गाउँपालिकाको रोहिणी पुलबाट खोलामा बस खसेको हो ।

जनकपुरबाट भैरहवातर्फ जाँदै गरेको लु २ ख ३८४१ नम्बरको बस आज बिहान साढे ४ बजे रोहिणी पुलबाट खोलामा खसेर दुर्घटना भएको हो । दुर्घटनामा घाइते भएका ३२ जना मध्ये उपचारको क्रममा ५ जनाको भैरहवास्थित युनिभर्सल मेडिकल कलेजमा र ४ जनाको भीम अस्पताल भैरहवामा मृत्यु भएको जिल्ला प्रहरी कार्यालय रुपन्देहीले जनाएको छ ।

मृतकहरुमा १ जना महिला र अरु ८ जना पुरुष रहेका छन् । उनीहरूको सनाखत भइसकेको छैन । दुर्घटनाका अन्य २४ जना घाइतेहरूको भैरहवाको भीम अस्पताल र मेडिकल कलेजमा उपचार भइरहेको प्रहरीले जानकारी दिएको छ ।

प्रकाशित मिति: आइतबार, जेठ २२, २०७९ ०७:१८

प्रतिक्रिया दिनुहोस्