बर्दियाको मधुवनमा प्रहरीको गोली लागेर किशोरीको मृत्यु

समाचार

गृहपृष्ठ
समाचार
बर्दियाको मधुवनमा प्रहरीको गोली लागेर किशोरीको मृत्यु

बर्दियाको मधुवनमा प्रहरीको गोली लागेर किशोरीको मृत्यु

सोमबार, जेठ २३, २०७९ बागेश्वरी पोस्ट

नेपालगन्ज । बर्दियाको मधुवनमा प्रहरीको गोली लागेर एक किशोरीको मृत्यु भएको छ ।

मधुवन नगरपालिका वडा नम्बर २ सोनाहा गाउँमा बाघको आक्रमणबाट एक जना घाइते भएपछि वन्यजन्तुबाट हुने आक्रमणको दिगो समाधानको माग राखेर गरिएको प्रदर्शनमा प्रहरीले गोली चलाउँदा १८ वर्षीया नविना थारुको मृत्यु भएको हो ।

प्रदर्शनकारीले ढुंगा हान्दा केही प्रहरी घाइते भएपछि हवाई फायरिङ गरिएको थियो । त्यस क्रममा गोली लागेर १८ वर्षकी नविना थारुको मृत्यु भएको बताइएको छ । नविनाको शव बर्दिया जिल्ला अस्पतालमा रहेको छ । झपडका क्रममा प्रहरी नायब उपरीक्षक (डीएसपी) सहित सात प्रहरी, दुई सशस्त्र र दुई सर्वसाधारण घाइते भएका छन् ।

त्यस क्षेत्रमा बाघले पटक–पटक आक्रमण गरिरहेको छ । वन क्षेत्रमा तारबार गरी वन्यजन्तुबाट हुने आक्रमणको दिगो समाधानको माग गर्दै उनीहरूले प्रदर्शन गरेका हुन् । स्थानीयबासीले दिउँसो १ः५० बजेदेखि ओराली बजारमा प्रदर्शन गरेका थिए । साँझ ५ः४५ बजे प्रहरीले बाटो खुलाउन खोज्दा झडप भएको थियो । झपडका क्रममा प्रहरीले दर्जनौँ सेल अश्रुग्याससहित लाठी चार्ज र रबरकाे गाेली प्रहार गरेको थियो ।

आफ्नै खेतमा काम गरिरहेकी अस्मिता थारुलाई बिहान ९ बजे बाघले आक्रमण गरेको थियो । बाघको आक्रमणबाट घाइते भएकी अस्मिताको नेपालगन्जमा उपचार भइरहेको छ ।

प्रकाशित मिति: सोमबार, जेठ २३, २०७९ २१:०२

प्रतिक्रिया दिनुहोस्