नेपालगञ्ज उद्योग बाणिज्य संघ निर्वाचन: साझा प्रजातान्त्रिक समूह घरदैलोलाई तिब्रता दिदै

राजनीति

गृहपृष्ठ
राजनीति
नेपालगञ्ज उद्योग बाणिज्य संघ निर्वाचन: साझा प्रजातान्त्रिक समूह घरदैलोलाई तिब्रता दिदै

नेपालगञ्ज उद्योग बाणिज्य संघ निर्वाचन: साझा प्रजातान्त्रिक समूह घरदैलोलाई तिब्रता दिदै

सोमबार, पुस २१, २०७६ बागेश्वरी पोस्ट

नेपालगञ्ज। साझा प्रजातान्त्रिक उद्योगी व्यवसायी समूहले आगामी माघ ११ गते हुने नेपालगञ्ज उद्योग बाणिज्य संघको निर्वाचनका लागि घरदैलो तथा भेटघाटलाई तीब्रता दिएको छ ।

ललित कुमार रौनियार नेतृत्वको साझा प्रजातान्त्रिक उद्योगी व्यवसायी समूहले नेपालगञ्ज लगायत खजुराका विभिन्न स्थानमा घरदैलो कार्यक्रम गरिरहेको छ । आफ्ना चुनावी एजेण्डाका साथ प्रजातान्त्रिक उद्योगी व्यवसायी समूह घरदैलोमा होम्मिएको छ।

आर्थिक समुन्नति सहितको व्यवसायिक स्वतन्त्रता संस्थागत विकासको लागि हाम्रो प्रतिबद्धता” भन्ने नाराका साथ रौनियार नेतृत्वको साझा प्रजातान्त्रिक उद्योगी व्यवसायी समूहले मत दिएर सहयोग गर्न अपिल गरेको छ ।

समूहकोे तर्फबाट उद्योग उपाध्यक्षमा तपेन्द्र विक्रम शाह र बाणिज्य उपाध्यक्षमा अमित बस्नेत उम्मेदवार रहनुभएको छ । साझा प्रजातान्त्रिक उद्योगी व्यवसायी समूहको सदस्य पदका उम्मेदवारहरुमा अजय कुमार टण्डन, सुुनिल सिंघल, बिन्दु चर्ती मगर, टेक बहादुर खड्का, बदरुद्दिन अन्सारी, बिष्णु प्रसाद श्रेष्ठ, टंक प्रसाद शर्मा, मख्खन बहादुर धामी, सन्तोष कुमार बैश्य, तेजनारायण कँडेल, दिपेन्द्र राज श्रेष्ठ र सुरेन्द्र सिंह सरदार रहनुभएको छ।

प्रकाशित मिति: सोमबार, पुस २१, २०७६ १२:११