नदीमा खसेर किशोरीको मृत्यु

समाचार

गृहपृष्ठ
समाचार
नदीमा खसेर किशोरीको मृत्यु

नदीमा खसेर किशोरीको मृत्यु

बिहीबार, असार २, २०७९ बागेश्वरी पोस्ट

नेपालगञ्ज । बैतडीको सिगासस्थित सेती नदीमा साघुँबाट खसेर एक किशोरीको मृत्यु भएको छ । मृत्यु हुनेमा डोटीको आदर्श गाउँपालिका ६ गिरीचौकीकी ढुल्लु अधिकारी रहेकी छन् । डोटीको बडिकेदार गाउँपालिका वडा नम्बर ६ बाट बैतडीको सिगास ६ मोरिबगर आउँदै गरेकी अधिकारी नदीमा खसेकी हुन् ।

नदीमा वेपत्ता किशोरीको शव स्थानीयवासीले निकालेका थिए । एक साता अगाडि एक जना पुरुष सोही ठाउँबाट खसेका थिए । उनी नदीमा खसेको केही समयपछि स्थानीयले उद्धार गरेका थिए ।

आज बिहान साढे १० बजे खसेकी किशोरीको जिवितै उद्धार हुन नसकेको स्थानीय शिक्षक पदम साउदले बताए । गत असोजमा आएको बाढीले सेती नदीको पुल भत्काएपछि साघुँबाट तर्ने गरिएको छ ।

प्रकाशित मिति: बिहीबार, असार २, २०७९ १४:४५

प्रतिक्रिया दिनुहोस्