पौडी खेल्ने क्रममा स्विमिङ पुलमा डुबेर युवकको मृत्यु

समाचार

गृहपृष्ठ
समाचार
पौडी खेल्ने क्रममा स्विमिङ पुलमा डुबेर युवकको मृत्यु

पौडी खेल्ने क्रममा स्विमिङ पुलमा डुबेर युवकको मृत्यु

शनिबार, असार ४, २०७९ बागेश्वरी पोस्ट

नेपालगञ्ज । पौडी खेल्ने क्रममा स्विमिङ पुलमा डुबेर भैरहवामा एक युवकको मृत्यु भएको छ । होटल पौवाको स्विमिङ पुलमा डुबेर सिद्धार्थनगर नगरपालिका ६ का २७ वर्षीय सुमित तुलाधरको मृत्यु भएको हो ।

हिजो साँझ साथीहरूसँगै पौडी खेल्न होटल पौवा पुगेका तुलाधर स्विमिङ्ग पुलमै बेहोस भएपछि उद्धार गरी अस्पताल लगिएकोमा उपचारको क्रममा मृत्यु भएको रुपन्देही प्रहरी प्रवक्ता डिएसपी नवरत्न पौडेलले बताए ।

मृतकका आफन्तले स्विमिङ पुलमा लाइफ गार्डको व्यवस्था नहुँदा घटना भएको आरोप लगाएका छन् । यसअघि जेठ ३१ गते रुपन्देहीकै तिलोत्तमा नगरपालिका ३ स्थित बीग चियर रिसोर्टको स्विमिङ्ग पुलमा पौडी खेल्ने क्रममा डुबेर बेहोस भएका तिलोत्तमा १ शंकरनगरका ३० वर्षीय सन्दीप पौड्यालको मृत्यु भएको थियो ।

प्रकाशित मिति: शनिबार, असार ४, २०७९ ०९:४१

प्रतिक्रिया दिनुहोस्