कोहलपुरका डिएसपी शाहीले लागू औषध डिलर धोस्त पार्दै

समाचार

गृहपृष्ठ
समाचार
कोहलपुरका डिएसपी शाहीले लागू औषध डिलर धोस्त पार्दै

कोहलपुरका डिएसपी शाहीले लागू औषध डिलर धोस्त पार्दै

एकै दिनमा ४ जना डिलरसहित करिब डेढ लाख नगद बरामद

आइतबार, कात्तिक ३, २०७६ बागेश्वरी पोस्ट

कोहलपुर, बाँके । ईलाका प्रहरी कार्यालय कोहलपुरले लागू औषध बिक्री गर्ने गिरोह नै पक्राउ गरेको छ। कोहलपुर प्रहरीका प्रमुख डिएसपी हेम बहादुर शाही आफै अप्रेसनमा गएर सफलता हात पारेका छन् ।

उनको कमान्डले आइतबार मात्रै ४ जना लागू औषध (बितरक) डिलरलाई पक्राउ गरे सगै उनिहरुबाट ४४ ग्राम ३८० मिलीग्राम ब्राउन सुगर सहित १ लाख ३९ हजार १४० रुपैयाँ बरामद गरेको छ। कर्णाली र प्रदेश नम्बर ५ का धेरै जसो जिल्लाहरुमा लागू औषध बिक्री गर्दै आएका भारत बहराइच जिल्ला नानपाराका २३ बर्षका कसिम शेखलाई डिएसपी हेम बहादुर शाहीले कोहलपुर ११ गोलपार्क नजिकैबाट पक्राउ गर्न सफल भएका छन् ।शेख सग बिक्री गरेर बाकि रहेको १० ग्राम ब्राउनसुगर, १४ हजार सात सय रुपैयाँसहित लागू औषध नापतौल गर्न प्रयोग गरिने डिजिटल काँँटा बरामद गरिएको डिएसपी शाहीले बताए।

त्यस्तै कोहलपुर ८ धिताल पेट्रोल पम्प नजिकैबाट दुई जनालाई पक्राउ गरिएको छ। पक्राउ पर्नेमा बिरेन्द्रनगर नगरपालिका ९ का ३४ बर्षका कृष्ण बुढा र सोही स्थानकै २१ बर्षका रबिन चौधरी रहेका छन् ।प्रहरीका अनुसार बुढा लागु औषध डिलर रहेको खुल्न आएको छ। डिलर बुढाको साथबाट प्रहरीले १६ ग्राम ५३० मिलिग्राम ब्राउन सुगर, १ लाख ३६५ रुपैयाँ र लागू औषध नापतौल गर्न प्रयोग गरिने डिजिटल काँँटा समेत बरामद गरेको छ भने उनका सहयोगी चौधरीको साथबाट ३५०० रुपैयाँ बरामद भएको छ। लागू औषध डिलर नै बिस्फोट गराउन उत्रेको कोहलपुर प्रहरी आजै नेपालगन्ज उपमहानगरपालिका २० पिप्रहवाबाट नेपालगन्ज १३ का २१ बर्षका सन्जय लोनियालाई पक्राउ गर्न सफल भएको छ। उनको साथबाट प्रहरीले १७ ग्राम ६० मिलिग्राम ब्राउन सुगरसहित २० हजार ५७५ रुपैयाँ बरामद गरेको छ। लागू औषध डिलरको जरा नै धोस्त बनाउने अठोट गरेका डिएसपी शाहीलाई यो ठुलो सफलता हो। कोहलपुरमा बसेर अन्य जिल्लामा लागू औषध बिक्री गर्ने र भारतबाट नेपाल सम्म लागू औषध पुर्याउने डिलर नै पक्राउ परेपछि अब जरो सम्म पुग्न सकिने डिएसपी शाहीले बताए।

पक्राउ परेका सबै डिलर नै भएकाले उनिहरुलाई लागू औषध मुद्दा चलाइने शाहीले बताए। उनिहरुको सोमबार म्याद थप गरिने भएको छ। डिएसपी शाही आए देखि एकपछि अर्को सफलता हासिल गर्दै गएका छन् ।

प्रकाशित मिति: आइतबार, कात्तिक ३, २०७६ २१:१०