उपाध्यक्षका देवरको निधनमा गाउँपालिकामा सार्वजनिक विदा

समाचार

गृहपृष्ठ
समाचार
उपाध्यक्षका देवरको निधनमा गाउँपालिकामा सार्वजनिक विदा

उपाध्यक्षका देवरको निधनमा गाउँपालिकामा सार्वजनिक विदा

आइतबार, असार ५, २०७९ बागेश्वरी पोस्ट

नेपालगन्ज । लुम्बिनी प्रदेशमा पर्ने एक गाउँपालिकाले नयाँ कार्यको सुरुवात गरेको छ । गाउँपालिकाले नयाँ कार्यको सुरुवातमा उपाध्यक्षका देवरको निधनमा समेत विदा दिएको छ ।

रुपन्देही जिल्लाको मर्चवारी गाउँपालिकाकी उपाध्यक्ष आशा सिंहका देवरको दुर्घटना परी आज मृत्यु भएकोमा श्रद्धाञ्जली अर्पण गर्दै शोकको घडीमा गाउँपालिकाभरका सबै वडा कार्यालय, सबै विद्यालयहरु तथा संघसंस्थामा विदा दिएको छ ।

गाउँपालिकाका अध्यक्ष गया प्रसाद बरईले मृतकप्रति श्रद्धाञ्जली व्यक्त गर्दै शोक सन्तप्त परिवारजनमा धैर्यधारण गर्ने शक्ति प्राप्तिका लागि समवेदना प्रकट गर्दै आज सबै गाउँपालिका भरका सबै कार्यालयहरु बन्द हुने सूचना जारी गरेका छन् । सूचनामा देवरको नाम भने खुलाइएको छैन ।

उपाध्यक्षका देवरको निधनमा गाउँपालिकाका अध्यक्षले सूचना जारी गर्दै सम्पूर्ण कार्यालयहरुमा विदा दिइएकोप्रति चौतर्फी आलोचना समेत भएको छ ।

मृतकप्रति भावपुर्ण श्रद्धाञ्जली !

प्रकाशित मिति: आइतबार, असार ५, २०७९ १४:४९

प्रतिक्रिया दिनुहोस्