समावेशी प्यानलका उम्मेदवारलाई मतदाताको स्वागत

राजनीति

गृहपृष्ठ
राजनीति
समावेशी प्यानलका उम्मेदवारलाई मतदाताको स्वागत

समावेशी प्यानलका उम्मेदवारलाई मतदाताको स्वागत

सोमबार, पुस २१, २०७६ बागेश्वरी पोस्ट

नेपालगञ्ज । नेपालगञ्ज उद्योग वाणिज्य संघको आगामी माघ ११ गते हुने निर्वाचनका लागि अब्दुल वाहिद मन्सुरी चुन्ना नेतृत्वको समावेशी प्यानललाई मतदाताले स्वागत गरेका छन् ।

प्रचारप्रसार तीव्र बनाउँदै उक्त प्यानलले यतिबेला घरदैलो अभियान सञ्चालन गरिरहेको छ । समावेशी प्यानलका उम्मेदवारले आज धम्वोझी, नर्सिङ्गहोम, खजुरारोड, सुर्खेतरोडमा घरदैलो गरेका थिए । व्यवसायिक हकहितको एजेण्डा बोकेर आफूहरु मतदाता माझ आइपुगेको उम्मेदवारले बताएका छन् ।

‘नेपालगञ्ज उद्योग बाणिज्य संघलाई उद्योगी, व्यवसायीको भरोसाको केन्द्र बनाउने उद्देश्य सहित हामी चुनावमा उत्रिएका छौं ।’–मतदातासंगको भेटमा अध्यक्ष पदका उम्मेदवार चुन्नाले भन्नुभयो,–‘यहाँहरुको साथ र सहयोग रहने आशा गरेका छौं ।’

समावेशी प्यानलका उम्मेदवारले मतदाताको सहयोगबाट आफूहरु उत्साहित भएको बताए । उक्त प्यानलको उपाध्यक्ष (वाणिज्य) तर्फ ज्ञानेन्द्र श्रेष्ठ, उपाध्यक्ष उद्योग) तर्फ आदेश अग्रवाल उम्मेदवार हुनुहुन्छ ।

सदस्यमा टंक धामी, अब्दुल वाहिद अन्सारी, श्यामसुन्दर अधिकारी, चिरञ्जिवी ओली, हरिलाल न्यौपाने, राजेश बैश्य, धर्म अर्याल, बिजय भण्डारी ‘बासु’, जहाँगिर मुसलमान, सुनिल बानियाँ पप्पु, मन्दिरा पाण्डे, भीम रानाभाट रहेका हुनुहुन्छ ।

प्रकाशित मिति: सोमबार, पुस २१, २०७६ १७:४९

प्रतिक्रिया दिनुहोस्