पारिवारिक सम्पर्क पुनःस्थापना सेवाको समीक्षा कार्यशाला नेपालगञ्जमा

राजनीति

गृहपृष्ठ
राजनीति
पारिवारिक सम्पर्क पुनःस्थापना सेवाको समीक्षा कार्यशाला नेपालगञ्जमा

पारिवारिक सम्पर्क पुनःस्थापना सेवाको समीक्षा कार्यशाला नेपालगञ्जमा

बिहीबार, असार ९, २०७९ बागेश्वरी पोस्ट

नेपालगञ्ज । नेपाल रेडक्रस सोसाइटी केन्द्रीय कार्यालयको आयोजनामा पारिवारिक सम्पर्क पुनःस्थापना सेवा कार्यक्रमको समीक्षा तथा कार्ययोजना निर्माण कार्यशाला नेपालगञ्जमा आज सम्पन्न भएको छ ।

नेपाल रेडक्रस सोसाइटी बाँके शाखाको व्यवस्थापनमा २ दिनसम्म सञ्चालन भएको उक्त कार्यशालामा आन्तरिक द्वन्दको समयमा वेपत्ता भएका व्यक्तिहरुको खोजी कार्य थप प्रभावकारी बनाउन योजना निर्माण र जिल्ला स्तरमा सम्पन्न भए गरेका गतिविधिहरुको बारेमा समीक्षा गरिएको थियो । कार्यक्रममा कर्णाली, सुदुरपश्चिम र लुम्बिनी प्रदेशका आर.एफ.एल. स्वयंसेवकहरुको सहभागिता रहेको थियो ।

No description available.

रेडक्रसको अन्तर्राष्ट्रिय समिति (आइ.सी.आर.सी.) र नेपाल रेडक्रस सोसाइटीको सहकार्यमा ७७ जिल्लामा पारिवारिक सम्पर्क पुनःस्थापना सेवा कार्यक्रम सञ्चालन भइरहेको छ । द्वन्दबाट ७१ जिल्लामा १३३४ जना वेपत्ताको तथ्यांक आइ.सी.आर.सी. र नेपाल रेडक्रम सोसाइटीको अभिलेखमा रहेको गोष्ठीमा जानकारी गराइएको थियो । रेडक्रसको विश्व सञ्जाल मार्फत् द्वन्द, विपद् र वैदेशिक रोजगारीका क्रममा वेपत्ता भएका एवं विविध कारणले जेलमा परेका व्यक्तिहरुको खोजी गरी पारिवारिक मिलन गराउँदै आएको नेपाल रेडक्रस सोसाइटी विपद् तथा संकट व्यवस्थापन विभाग ट्रेसिङ्ग सेवाका फोकल पर्सन शालिकग्राम तिवारीले बताए ।

नेपाल रेडक्रस सोसाइटी बाँके शाखाका सभापति गोवर्धन सिंह सम्झनको अध्यक्षतामा सम्पन्न कार्यक्रममा कोषाध्यक्ष राकेशबहादुुर श्रीवास्तव, उपनिर्देशक दोलखबहादुर डाँगी लगायतले विचार व्यक्त गरेका थिए भने कार्यशालाको सहजीकरण आइ.सी.आर.सी.का प्रतिनिधि मीरा राणा र नेपाल रेडक्रस सोसाइटी केन्द्रीय कार्यालयका शालिकग्राम तिवारीले गरेका थिए ।

No description available.