एमाले बाँकेद्वारा जिल्ला प्रशासनमा दुई घण्टा धर्ना

राजनीति

गृहपृष्ठ
राजनीति
एमाले बाँकेद्वारा जिल्ला प्रशासनमा दुई घण्टा धर्ना

एमाले बाँकेद्वारा जिल्ला प्रशासनमा दुई घण्टा धर्ना

आइतबार, असार १२, २०७९ बागेश्वरी पोस्ट

नेपालगञ्ज । नेकपा एमाले बाँकेले आज जिल्ला प्रशासन कार्यालय बाँकेमा दुई घण्टा धर्ना दिएको छ ।

मल र वीउको सहज उपलब्धता, पेट्रोलियम पदार्थको चर्को मूल्यबृद्धि, महंगी, कालोबजारी नियन्त्रण लगायतका माग राख्दै प्रशासनमा दुई घण्टा धर्ना दिएको एमाले बाँकेका अध्यक्ष किष्मत कुमार कक्षपतिले बताए ।

बाँके जिल्ला कमिटीको बैठकको निर्णय अनुसार एक महिने जनजीविका तथा पार्टी सुदृढीकरण अभियान अन्तरगत् आज धर्ना दिइएको अध्यक्ष कक्षपतिले जानकारी दिए ।

धर्नामा केन्द्रीय सदस्य तथा बाँके जिल्ला इन्चार्ज सूर्य ढकाल, केन्द्रीय सदस्य पशुपतिदयाल मिश्र, जिल्ला पार्टी अध्यक्ष कक्षपति, लगायत नेता कार्यकर्ताहरुको उपस्थिति रहेको थियो ।

प्रकाशित मिति: आइतबार, असार १२, २०७९ १५:३३