अविरल वर्षाले पूर्व पश्चिम राजमार्ग र बुटवल-पाल्पा सडक अवरुद्ध

समाचार

गृहपृष्ठ
समाचार
अविरल वर्षाले पूर्व पश्चिम राजमार्ग र बुटवल-पाल्पा सडक अवरुद्ध

अविरल वर्षाले पूर्व पश्चिम राजमार्ग र बुटवल-पाल्पा सडक अवरुद्ध

मंगलबार, असार १४, २०७९ बागेश्वरी पोस्ट

नेपालगन्ज । बिहानैदेखिको अविरल वर्षाले विभिन्न ठाउँका सडक अवरुद्ध भएका छन् । आज बिहानैदेखि वर्षा भएपछि बुटवल-पाल्पा सडक अवरुद्ध भएको छ ।

लुम्बिनी प्रादेशिक ट्राफिक कार्यालय बुटवलका अनुसार बुटवल-पाल्पा सडक अन्तर्गत् सिद्धबाबा नजिकै माथिबाट आएको भेलका कारण सडक अवरुद्ध छ ।

वर्षाले सडक माथिबाट आएको छहराको बहाव बढी भएपछि आवागमन नै ठप्प भएको हो ।

यसैगरी पूर्व-पश्चिम राजमार्ग अन्तर्गत् नवलपरासीको अरुण खोलामा सडक अवरुद्ध भएको छ । खोलामा बाढी आएपछि सडक अवरुद्ध भएको ट्राफिक प्रहरी कार्यालयले जनाएको छ ।

अवरुद्ध भएका दुवै ठाउँमा वर्षा कम भएपछि मात्रै सडक खुल्ने जनाइएको छ ।

प्रकाशित मिति: मंगलबार, असार १४, २०७९ ११:३१

प्रतिक्रिया दिनुहोस्