देशभर झण्डै २० प्रतिशत मात्र रोपाइँ

समाचार

गृहपृष्ठ
समाचार
देशभर झण्डै २० प्रतिशत मात्र रोपाइँ

देशभर झण्डै २० प्रतिशत मात्र रोपाइँ

लुम्बिनीमा १० प्रतिशत रोपाइँ

बिहीबार, असार १६, २०७९ बागेश्वरी पोस्ट

नेपालगञ्ज । देशभर झण्डै २० प्रतिशत मात्र रोपाइँ भएको छ । गएको असार १२ गतेसम्म १७ दशमलव ५ प्रतिशत रोपाइँ भएकोमा त्यसपछिका तीन दिन असार १५ सम्म थप साढे दुई प्रतिशत रोपाइँ भएको कृषि विभागले जनाएको छ ।

विगतमा असार १५ गतेसम्म ३० देखि ३५ प्रतिशत धान रोपाइँ हुन्थ्यो तर यसपटक २० प्रतिशत मात्रै रोपाइँ भएको प्रारम्भिक तथ्याङ्क छ । अहिलेसम्म सबैभन्दा धेरै रोपाइँ भने सुदूरपश्चिम र कर्णाली प्रदेशमा भएको छ ।

सुदूरपश्चिममा झण्डै ४७ प्रतिशत र कर्णालीमा ४० प्रतिशत रोपाइँ भएको कृषि विभाग अन्तर्गत् बाली विकास तथा कृषि जैविक विविधता संरक्षण केन्द्रका वरिष्ठ कृषि अर्थविज्ञ महानन्द जोशीले जानकारी दिए । मनसुन भित्रिएपछि पूर्वमा रोपाइँ सुरु भएको थियो । प्रदेश १ मा अहिलेसम्म झण्डै १८ प्रतिशत, वाग्मतीमा ३१ प्रतिशत, गण्डकीमा १४ प्रतिशत र लुम्बिनीमा १० प्रतिशत रोपाइँ भएको विभागले जनाएको छ ।

मधेश प्रदेशमा रोपाइँ सुरु हुन सकेको छैन । सबैभन्दा धेरै मध्य, पूर्व र तराई क्षेत्रमा धान खेती हुने गरेको छ । तर, मल र सिँचाइका कारण यस वर्ष रोपाइँ प्रभावित भएको छ ।

प्रकाशित मिति: बिहीबार, असार १६, २०७९ ०७:५७

प्रतिक्रिया दिनुहोस्