यस्तो छ तीन दिनसम्मको मौसमको अवस्था

समाचार

गृहपृष्ठ
समाचार
यस्तो छ तीन दिनसम्मको मौसमको अवस्था

यस्तो छ तीन दिनसम्मको मौसमको अवस्था

बिहीबार, असार १६, २०७९ बागेश्वरी पोस्ट

नेपालगन्ज । आज देशका धेरै जसो स्थानहरुमा चट्याङसहित हल्कादेखि मध्यम वर्षाको सम्भावना रहेको छ ।

मौसम पूर्वानुमान महाशाखाका अनुसार आज दिउँसो प्रदेश १, मधेस, बागमती, गण्डकी र लुम्बिनीका केही स्थानमा भारी वर्षाको सम्भावना रहेको छ ।

सुदूरपश्चिमका थोरै स्थानमा भारी वर्षा र कर्णालीका एक–दुई स्थानमा पनि भारी वर्षाको सम्भावना रहेको छ भने राति देशका धेरै स्थानमा वर्षाको सम्भावना रहेको छ । भोलि देशका धेरै स्थानमा हल्कादेखि मध्यम वर्षाको सम्भावना रहेको महाशाखाले जनाएको छ । शनिवार पहाडी भूभागका धेरै स्थानमा वर्षाको सम्भावना रहेको छ ।

हाल देशभर मनसुनी वायुको प्रभाव रहेको छ । मनसुनी न्यून चापीय रेखा नेपालको दक्षिणी भूभाग नजिक रहेको छ । अहिले पनि देशका धेरै स्थानहरुमा बर्षा भइरहेको छ ।

प्रकाशित मिति: बिहीबार, असार १६, २०७९ ०९:३३

प्रतिक्रिया दिनुहोस्