जसपाले फिर्ता बोलायो तीन मन्त्री, बाँकेका राई भौतिक पूर्वाधार मन्त्री बन्दै

राजनीति

गृहपृष्ठ
राजनीति
जसपाले फिर्ता बोलायो तीन मन्त्री, बाँकेका राई भौतिक पूर्वाधार मन्त्री बन्दै

जसपाले फिर्ता बोलायो तीन मन्त्री, बाँकेका राई भौतिक पूर्वाधार मन्त्री बन्दै

सोमबार, असार २०, २०७९ बागेश्वरी पोस्ट

नेपालगञ्ज । जनता समाजवादी पार्टी (जसपा) नेपालले तीन जना मन्त्रीलाई सरकारबाट फिर्ता बोलाएको छ ।

कृषि मन्त्री महिन्द्र राय यादव, भौतिक पूर्वाधार मन्त्री रेणु यादव र वन मन्त्री राम सहाय यादवलाई जसपाले सरकारबाट फिर्ता बोलाएको हो । संघीय मामिला तथा सामान्य प्रशासन मन्त्री राजेन्द्र श्रेष्ठलाई भने निरन्तरता दिइएको छ ।

जसपाले तीन जना नयाँ मन्त्रीको नाम पनि प्रधानमन्त्रीसमक्ष सिफारिस गरिसकेको छ । नयाँ मन्त्रीको रुपमा इस्तियाक राई, प्रदीप यादव र मृगेन्द्र सिंह छन् । राईलाई भौतिक पूर्वाधार, यादवलाई वन र राष्ट्रिय सभा सदस्य सिंहलाई कृषि मन्त्रीको रुपमा सिफारिस गरिएको जसपाले जनाएको छ ।

राई बाँके क्षेत्र नम्बर २ बाट निर्वाचित सांसद हुन् । उनी तेस्रो पटक मन्त्री बन्दैछन् । पहिलो पटक श्रम मन्त्री बनेका राई दोस्रो पटक सहरी विकास मन्त्री भएका थिए ।

प्रकाशित मिति: सोमबार, असार २०, २०७९ १०:१३