मन्त्रीपरिषद पुनर्गठन, बाँकेका राई बने भौतिक पूर्वाधार मन्त्री

राजनीति

गृहपृष्ठ
राजनीति
मन्त्रीपरिषद पुनर्गठन, बाँकेका राई बने भौतिक पूर्वाधार मन्त्री

मन्त्रीपरिषद पुनर्गठन, बाँकेका राई बने भौतिक पूर्वाधार मन्त्री

सोमबार, असार २०, २०७९ बागेश्वरी पोस्ट

मोहम्मद इश्तियाक राई, मन्त्री भौतिक पूर्वाधार तथा यातायात

नेपालगञ्ज । प्रधानमन्त्री शेरबहादुर देउवाले मन्त्रीपरिषद पुनर्गठन गरेका छन् । उनले आज जनता समाजवादी पार्टीका तीन नेतालाई सहभागी गराएर मन्त्रीपरिषद पुनर्गठन गरेका हुन् ।

जसपाबाट मृगेन्द्रकुमार सिंह कृषि, मोहम्मद इस्तियाक राई भौतिक पूर्वाधार र प्रदीप यादव वन मन्त्री नियुक्त भएका हुन् । राई बाँके क्षेत्र नम्बर २ बाट निर्वाचित सांसद हुन् । उनी तेस्रो पटक मन्त्री बनेका छन् । यसअघि उनले श्रम र सहरी विकास मन्त्रालयको जिम्मेवारी सम्हालिसकेका छन् । नेपालगञ्ज निवासी नवनियुक्त मन्त्री राई २०६४ को पहिलो संविधानसभा निर्वाचनमा संविधानसभा सदस्यमा निर्वाचित भएका थिए । उनी २०७४ मा पनि प्रतिनिधिसभा सदस्यमा निर्वाचित भएका हुन् ।

जनता समाजवादी पार्टीले नेताहरु महिन्द्र राय यादव, रेणुकुमारी यादव र रामसहायप्रसाद यादवलाई फिर्ता बोलाएर नयाँ नेताहरुलाई मन्त्रीपरिषदमा पठाएको हो । यसअघि नेकपा एकीकृत समाजवादीले पनि मन्त्री हेरफेर गरेको थियो ।

नयाँ मन्त्रीहरूले आजै सपथ लिएका छन् ।