महिलाका सवाल तथा सशक्तिकरणमा पहिलो भूमिका श्रीमानको

समाचार

गृहपृष्ठ
समाचार
महिलाका सवाल तथा सशक्तिकरणमा पहिलो भूमिका श्रीमानको

महिलाका सवाल तथा सशक्तिकरणमा पहिलो भूमिका श्रीमानको

बुधबार, असार २२, २०७९ बागेश्वरी पोस्ट

नेपालगञ्ज । महिलाका सबै समस्या समाधान गर्न घरभित्रैबाट श्रीमानको भूमिका महात्वपूर्ण हुने एक कार्यक्रममा जोड दिइएको छ । श्रीमानको अनुमति विना महिलाले कुनै पनि कार्य गर्न नसक्ने र घर तथा बाहिर सबै तनावको रिस महिलामाथि बर्सने भएकाले महिला सधैं पीडित भएर बसिरहनुपर्ने अवस्था रहेको आंैल्याइएको छ ।

११ नम्बर वडा कार्यालय नेपालगञ्जको सहयोगमा सूचना र मानव अधिकार अनुसन्धान केन्द्रले आज गरेका सुशासन र महिला सशक्तिकरण सम्वन्धि अनुशिक्षणका सहभागी महिलाहरुले पुरुषले आफ्नै घरबाट महिला माथिको हिंसा अन्त्य गर्न व्यवहार परिवर्तन गर्नुपर्ने बताएका थिए । कार्यक्रममा सहभागी महिलाहरुले आफूहरुलाई निर्णय गर्न नदिने, आर्थिक हिसाब किताबको जिम्मेवारी नदिने, जहिले पनि दबाएर राख्ने, अरुको रिसमा कुटने, विभिन्न किसिमका दबाब दिने जस्ता वास्तविक कुराहरु सुनाएका थिए ।

कार्यक्रममा वडा अध्यक्ष नन्दकिशोर कहारले मधेशी समुदायका महिलाहरुमा जागरुकताको अभावमा विभिन्न समस्या सहनुपरेको भन्दै महिलाहरुको सशक्तिकरणको आवश्यकता रहेको बताए । उनले वडाका महिलाहरुको क्षमता अभिबृद्धि गर्न विशेष कार्यक्रम ल्याएर सशक्तिकरणमा सहयोग पुर्याउने प्रतिबद्धता गरे ।

कार्यक्रममा अधिबक्ताहरु सुदिप भटराई, पुनम श्रेष्ठ, रविन्द्र कुमार ज्ञवाली र लक्ष्मी तिवारीले सहजीकरण गरेका थिए । संस्थाका अध्यक्ष विश्वजित तिवारीको अध्यक्षतामा सम्पन्न कार्यक्रममा जनप्रतिनिधि, कर्मचारी, वडा अन्र्तगत् महिलाहरुको सहभागिता रहेको थियो ।

प्रकाशित मिति: बुधबार, असार २२, २०७९ १६:२२

प्रतिक्रिया दिनुहोस्