नेपालगञ्जको आदर्शनगरमा मानव सेवा आश्रम सञ्चालन

समाचार

गृहपृष्ठ
समाचार
नेपालगञ्जको आदर्शनगरमा मानव सेवा आश्रम सञ्चालन

नेपालगञ्जको आदर्शनगरमा मानव सेवा आश्रम सञ्चालन

शनिबार, असार २५, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिका–१० आदर्शनगरमा मानव सेवा आश्रम सञ्चालनमा आएको छ । १९ औं जिल्ला शाखाको रुपमा नेपालगञ्जमा आश्रम सञ्चालनमा आएको हो । उक्त आश्रमको औपचारिकरुपमा आज उद्घाटन गरिएको छ ।

उद्घाटन कार्यक्रममा बोल्दै नेपालगञ्ज उपमहानगरपालिकाका नगर प्रमुख प्रशान्त विष्टले मानवता प्रबद्र्धन महाअभियानमा स्थानीय सरकारको तर्फबाट सहयोगको प्रतिबद्धता ब्यक्त गरे । उनले बेसाहारा मानिसहरुलाई आश्रयस्थल दिएर उनीहरुको सेवामा समर्पित हुनु चानचुने मानवीय सेवा नभएको भन्दै मानवता प्रबद्र्धन महाअभियानमा सहयोगको आह्वान समेत गरे । नेपालगञ्जका नगर उपप्रमुख कमरुद्दिन राईले मानव सेवाप्रति सबैको भावना जागृत गराउन आवश्यक रहेको बताए ।

बाँकेका प्रमुख जिल्ला अधिकारी सूर्यबहादुर खत्रीले जसको कोही हुदैनन् उसको लागि आश्रमस्थल अत्यन्त उपयोगी भएको बताए । कार्यक्रममा जानकी गाउँपालिकाका अध्यक्ष छब्बन खाँ, बाँकेका एसपी श्यामकृष्ण अधिकारी, पत्रकार महासंघका लुम्बिनी प्रदेशका उपाध्यक्ष शुक्रऋषि चौलागाई लगायतले आश्रमस्थल सफलताको शुभकामना दिएका थिए ।

प्रकाशित मिति: शनिबार, असार २५, २०७९ १६:४५

प्रतिक्रिया दिनुहोस्